Altun: “İstanbul barışı – iñ möhim mömkinlek”

Altun İlbaşı qolliyätendä oyıştırılğan “Rusiyä-Ukraina suğışı häm Törkiyägä täêsirläre: yanawlar häm forsatlar” cıyılışınıñ açılışında qatnaştı.

Altun Awrupa belän bergä böten dönyağa täêsir itkän Ukrainadağı suğışnıñ Törkiyägä dä çağılışlarınıñ buluın äytte.

Bu krizisnıñ ber ük waqıtta Törkiyäneñ stabilizaśiyäläwçe aktyor buluın citkerüçe Altun İlbaşı Ärdoğannıñ häm Rusiyä Däwlät başlığı Vladimir Putin häm dä Ukraina Prezidentı Volodimir Zelenskiy belän yaqın dialogın barışnıñ iñ başınnan birle krizisnıñ xäl itelüe, kiyırenkelekneñ kimetelüe öçen mömkinlek bularaq qullanuın xäterlätte.

Altun Törkiyäneñ bu barışta kürsätkän êçkersez häm çınlıqçı öleşläre belän häm Rusiyäneñ häm dä Ukrainanıñ ışanıçın yawlawın, ike il arasınnan saylarğa mäcbür bulmawın kürsätüen belderde.

Törkiyäneñ başta Antaliya diplomatiya forumı qısalarında, annan soñ İstanbulda Dolmabahçädä söyläşülär östäleneñ tözelüeneñ yulın açuın xäterlätüçe Altun: "Ayıruça şuna basım yasarğa telim: İstanbul barışı äle dä utnı tuqtatunıñ täêmin itelüe häm tınıçlıqnıñ urnaştırıluı ölkäsendä iñ möhim mömkinlek bularaq xalıqara cämäğätçelekneñ aldında tora. Bu räweşle İlbaşıbıznıñ da beldergäne kebek härkemneñ İstanbul barışın yaqlawı kiräk”, - dip äytte.

Êlemtä başlığı Altun Törkiyäneñ balanslanğan tügel, tigez totışnı üz itüen, bigräk tä söyläşülärdä uynağan ciñeläytüçe rol’neñ Törkiyäneñ konstruktiv totışnı üz itüen häm kiräk bulğan çaqta inisiativanı aluın kürsätüen iskärtep uzdı.

Rusiyä xärbiläre 24nçe fevral’dä Ukrainağa höcüm başlatqan ide.