Törkiyä saqlanu ministrı ukrainalı wazıyfadaşı belän telefonnan söyläşte

Törkiyä saqlanu ministrı Hulusi Akar Ukraina saqlanu ministrı Oleksey Reznikov belän telefonnan söyläşte.

Milli saqlanu ministrlığı beldergänçä, Akar söyläşüdä Rusiya belän Ukraina arasında tiz arada utnı tuqtatu iğ’lan itüneñ möhimlegenä basım yasadı.

Hulusi Akar Törkiyä watandaşları belän başqa tınıç xalıqnı cir östennän häm diñgezdän êvakuaśiyäläwneñ aşığıçlığı ,Ukraina portlarında kötep torğan säwdä köymäläreneñ Törkiyägä qurqınıçsız barıp citüen täêmin itü mäs’älälärenä tuqtaldı.

Akar şulay uq Törkiyäneñ Ukrainağa gumanitar yärdäm öçen qulınnan kilgänne êşläwen däwam itäçägen belderde.