Türkiye 5 ilneñ saqlanu ministrları belän cıyılış ütkärde

Türkiye Milli saqlanu ministrı Hulusi Akar, Bolgariya saqlanu ministrı Dragomir Zakov, Pol’şa saqlanu ministrı Mariusz Błaszczak, Rumıniya saqlanu ministrı Vasile Dincu, Ukraina saqlanu ministrı Oleksii Reznikov häm Gruziya saqlanu ministrı Juansher Burchuladze belän altı yaqlı video konferenśiya cıyılışında oçraştı.

Türkiye saqlanu ministrı Akar Türkiyeneñ çaqıruı häm koordinaśiyası belän oyıştırılğan cıyılıştan soñ yasağan belderüendä oçraşunıñ bik näticäle uzuın citkerde.

Regional’ saqlanu häm iminlek mäs’äläläre xaqında fiker alışuların äytüçe Akar: “Söyläşü waqıtında diplomatik çişeleşkä yärdäm itü öçen Ukrainada aşığıç räweştä utnı tuqtatunıñ möhimlegenä häm tınıç xalıqnın qurqınıçsız räweştä êvakuaśiyasınıñ aşığıçlığına basım yasaldı”, - dip belderde.

Akar: "Söyläşüdä ayıruça minalarğa qarşı köräş belän bergä Qara diñgezdä tınıçlıqnıñ häm totrıqlılıqnıñ saqlanuı öçen xezmättäşlekneñ ähämiyäte tağın ber qat telgä alındı. Naçarayğan humanitar wazğıyät arqasında humanitar yärdämnärneñ tuqtawsız däwam itelüe häm töbäktä krizisnıñ tağın da artuın totqarlaw öçen kürelüe zarur çaralarğa tuqtalıp uzıldı”, - dip bilgeläp uzdı.