Ärdoğan: "Putin häm Zelenskiy belän NATO sammitın bäyäläyäçäkbez"

İlbaşı Ärdoğan NATO çirattan tış däwlät häm xökümät başlıqları sammitı mönäsäbäte belän yasağan Bel’giya säfärennän qaytqan çaqta oçqıçta jurnalistlar belän äñgämä qorıp cibärde.

Global’ qurqınıçsızlıqnı abaylap aluda citdi üzgäreşlär yäşängän çorda NATO berlektäşläre bularaq cıyıluların äytüçe Ärdoğan yuğarı däräcäle oçraşuda Rusiyä-Ukraina suğışındağı xällärne häm monıñ çağılışların berlektäşlär belän bergä kiñ qırlı itep bäyäläw forsatın tabuların iskärtep uzdı.

"(Sammitta Rusiyä belän Ukraina arasında) Utnı tuqtatunıñ häm tınıçlıqnıñ täêmin itelüenä qağılışlı bularaq bez alıp barğan tığız diplomatik kereşülär xaqında berlektäşlärebez belän mäğ’lümat urtaqlaştıq,” – dip äytüçe Ärdoğan sammitnıñ här cähättän näticäle häm uñışlı uzuın belderde.

Kilep citelgän noqtada Törkiyäneñ NATO berlektäşläre arasındağı ayırım maxsus torışınıñ häm töbägendäge kritik roleneñ tağın da yaxşıraq añlaşıluın belderüçe İlbaşı: “Törkiyä regional’ iminlekneñ urnaştırıluı öçen waz kiçelmäs berlektäş”, - dip basım yasadı.

Törkiyäneñ suğışnı tuqtatu öçen baştan birle zur köç quyuın bilgeläp uzuçı Ärdoğan bu yünäleştä êşlärgä däwam itäçäklären citkerde.

Putin häm Zelenskiy belän daimi telefon söyläşülären ütkärülären belderüçe Ärdoğan: “Bügen Zelenskiy belän söyläşüem bar. Putin belän atna axırında yäki atna başında söyläşüem bulırğa mömkin. NATOdağı söyläşülärne bäyäläyäçäkbez,” – dide.

Rusiyä xärbiläre 24nçe fevral’dä Ukrainağa höcüm başlatqan ide.