Koca: “Migrantlarnıň sälamätlek saqlaw ixtıyacına qağılışlı urtaq yul alıp baru”

Törkiyä sälamätlek saqlaw ministrı Fahrettin Koca tranzit il belän bilgelängän ilne ayırmıyça migrantlarnıň sälamätlek saqlaw ixtıyacına qağılışlı urtaq yul alıp barunıň härkemneň töp wazıyfaları arasında buluın äytte

1797326
Koca: “Migrantlarnıň sälamätlek saqlaw ixtıyacına qağılışlı urtaq yul alıp baru”

Koca Bötendönya sälamätlek saqlaw oyışması häm Törkiyä sälamätlek saqlaw ministrlığınıň xezmättäşlege belän İstanbulda oyıştırılğan Awrupa töbäge migraśiya häm sälamätlek saqlaw yuğarı däräcäle cıyılışında çığış yasadı.

Koca bu cıyılışnıň Berläşkän Millätlär Oyışması mäğ’lümatlärenä kürä iň küp sıyınuçını qabul itkän il bulğan Törkiyädä oyıştırıluınnan qanäğätlelegen citkerde.

Ministr Koca Süriyä krizisı başlanğan könnän bügengä qadär Törkiyäneň üz watandaşlarına täq’dim itkän sıyfatta häm xezmättä ayırımlılıq yasamıyça Süriyäle qunaqlarına da bu qısada sälamätlek saqlaw xezmäten birüenä basım yasap:

"Töp sälamätlek saqlaw xezmätlärenä ireşüne arttıru maqsatınnan çığıp 29 vilayättä 185 Migrant sälamätlek üzäge êşli başladı. Şuşı üzäklärdä ilebezgä küçep kilergä mäcbür bulğan 787se tabib, 34e stamotolog, 1 meň 149ı şäfqät tutaşı belän bergä yaqınça 4 meň süriyäle sälamätlek saqlawçısı kiräkle adaptaśiya treningları birelgännän soň êşkä urnaştırıldı. Migrant sälamätlek üzäklärennän tış ikençe yäki öçençe däräcädä sälamätlek saqlaw xezmätenä ixtıyac bulğan oçraqta turıdan-turı sälamätlek saqlaw xezmäte täêmin itelä”, - dip äytte.

"Migraśiya probleması”nıň härkemneň probleması buluına basım yasawçı Koca: "Migraśiya problemasınıň üzägenä barı tik migrantlarnı ğına utırtıp, bu cawaplılıqtan qaça almıybız. Bu problemağa barı tik keşelärne küçenügä mäcbür itkän töp säbäplärgä yünälep kenä çişeleş taba alabız”, - dip äytte.

Sälamätlek saqlaw ministrı Koca, sıyınuçılarnıň qayçağında kilgän ilgä qarap bäyälänelüenä borçılıp: "Bu qabul itelerlek wazğıyät tügel. Bigräk tä bu mäs’älägä barı tik qurqınıçsızlıq küzlegennän qaraw isä hiç qabul itelmäslek”, - dip äytte.

Ministr Koca: "Tranzit il belän baruçı ilne ayırmıyça, Bötendönya sälamätlek saqlaw oyışması bilgelägän “ğomumi marşrut totışı” qısalarında migrantlarnıň sälamätlek saqlaw ixtıyacına qağılışlı xezmättäşlegebezne arttıru häm urtaq yuldan baru barıbıznıň töp wazıyfaları arasında urın ala”, - dip belderde.



Bäyläneşle xäbärlär