Awrupa regionı sälamätlek saqlaw ministrları İstanbulda cıyılışa

Awrupa regionı migraśiyä häm sälamätlek yuğarı däräcäle cıyılışı bügen häm irtägä İstanbulda uza.

Törkiyä sälamätlek saqlaw ministrlığınnan yasalğan belderügä qarağanda, Bötendön’ya sälamätlek saqlaw oyışması belän xezmättäşlektä oyıştırılğan çarağa oyışmanıñ Awrupa regionı mödire Xans Kluge, Awrupa Berlege komissiyäse räise urınbasarı Margaritis Sxinas, Törkiyä sälamätlek saqlaw ministrı Fäxretdin Koca häm başqa bik küp ildän wäqalätlelär kiläçäk.

Cıyılışta Bosniya-Gerśegovina, Qırğızstan, San-Marino, Litva, Serbiyä, Bolgariyä, Tunis, Moldova, Livan, Rumıniyä, Germaniyä, İtaliyä, Azärbaycan häm Pol’şanıñ sälamätlek saqlaw ministrları, Liviyä viśe-prem’yerı, Latviyä däwlät särqatibe, Gruziyä sälamätlek saqlaw ministrı urınbasarın da kertep 55 ildän wäqalätlelär qatnaşaçaq.