“İzrail belän urtaq maqsat: säyäsi dialognı yañadan torğızu”

Räsmi säfär öçen Törkiyägä kilgän İzrail İlbaşı İśxaq Gerśognı İlbaşı qolliyätendä räsmi tantana belän qarşı alğan Ärdoğan wazıyfadaşı belän qara-qarşı häm wäkilleklärara söyäşülär ütkärde.

İlbaşı Ärdoğan söyläşülärdän soñ oyıştırılğan urtaq matbuğat oçraşuında Gerśognıñ şuşı tarixi säfäreneñ Törkiyä-İzrail mönäsäbätlärendä yaña borılış noqtası bulaçağına ışanuın äytte.

Törkiyäneñ İzrail belän urtaq maqsatınıñ ike il arasında urtaq mänfäğätkä tayanğan, ike yaqlı sizgerleklärgä xörmät nigezendä säyäsi dialognıñ yañadan canlandırıluı buluına basım yasawçı Ärdoğan: "Töbägebezdä tınıçlıqnı, xozurnı häm bergä yäşäw kul’turasın yañadan torğızuğa öleş kertü bezneñ qulıbızda”, - dip belderde.

Törkiyä-İzrail mönäsäbätläreneñ üsterelüeneñ häm köçäytelüeneñ ike il cähätennän bulğanı kebek regional’ totrıqlılıq häm tınıçlıq öçen dä bik zur ähämiyätkä iyä buluın iskärtep uzuçı Ärdoğan: “Bez Fälästin mäs’äläsendäge sizgerleklärebezne açıqtan-açıq urtaqlaştıq, ike däwlätle çişeleşkä birgän ähämiyätebezne citkerdek”, - dip äytte.

Söyläşü waqıtında Törkiyäneñ Qudüs-Yerusalimneñ tarixi statusı belän Äl-Äq’sa mäçeteneñ dini tanıqlığı häm izgelegeneñ saqlanıp qaluına birgän ähämiyäten iskärtep uzuın da belderüçe İlbaşı: "Aldıbızdağı çornıñ ike yaqlı mönäsäbätlär mäs’äläsendä regional’ xezmättäşlek cähätennän yaña forsatlarnı tudıraçağına ışanam”, - dide.

İlbaşı Ärdoğan Gerśogqa İzrail belän ênergetika häm ênergiya iminlege proyıktlarında xezmättäşlekkä äzer buluların äytüen bilgeläp uzdı.

Ärdoğan: "Tışqı êşlär ministrıbıznıñ Fälästinğa häm İzrailgä yasayaçaq säfärgä, annan soñ Ênergetika häm tabiğıy çığanaqlar ministrıbıznıñ İzrail vizıtına ähämiyät biräm”, - dide.

İzrail İlbaşı Gerśog ta maqsatlarınıñ ike il häm xalıqları arasında dustanä mönäsäbätlärne üsterüneñ nigezlären salu buluın äytte.