Şäntop häm Oktay xatın-qızlarnı qotladı

Şäntop:"Köçle cämğıyätneñ nigezen köçle xatın-qızlar täşkil itä. Qıyu häm kiläçäkkä ışanıç belän qarawçı häm tormışnıñ här ölkäsendä üzlären kürsätüçe xatın-qızlar millätebezneñ kiläçägeneñ garantiyası da”, - dip äytte

1791795
Şäntop häm Oktay xatın-qızlarnı qotladı
oktay.jpg

Törkiyä Böyek Millät Mäclese başlığı Mostafa Şäntop 8nçe Mart Xalıqara xatın-qızlar köne mönäsäbäte belän yullama yasadı.

Bügen dönyanıñ törle cirlärendä häm mädäniyätlärendä xatın-qızlarnıñ mäğariftän sänğätkä, sporttan texnologiyağa qadär här ölkädä uñışları belän kiläçäkkä yünäleş birüläreneñ keşelekneñ häm dönyanıñ kiläçägenä ömetlärne dä üsterüenä basım yasawçı Şäntop bügenge köndä dönyanıñ dürt ber yağında yäşängän suğışlarnıñ häm bäreleşlärneñ dä in zur qorbannarınıñ, qızğanıç, xatın-qızlar häm balalar buluın onıtmasqa kiräklegen belderde.

Şäntop: “Azatlıq köräşebezneñ (1919-1922) qaharmannarı Anadolunıñ batır xatın-qızlarınnan, bügen tormışnıñ här ölkäsendä qul êşläre belän xezmät birüçe, ğıyleme, fikere, ziräklege häm igelege belän kiläçägebezne şäkelländergän, tormışnıñ mäğnäsen köçäytkän xatın-qızlarğa, tormışıbızğa häm kiläçägebezgä östägän qıymmätläre öçen çın küñeldän räxmätlärebezne citkeräm, böten xatın-qızlarnıñ 8nçe mart xalıqara xatın-qızlar könen qotlıym”, - dip äytte.

İlbaşı urınbasarı Fuat Oktay da 8nçe mart xalıqara xatın-qızlar köne mönäsäbäte belän yullama bastırdı.

Oktay sośial’ media akkauntınnan urtaqlaşqan yazmasında: "Başlarıbıznıñ tacı, kiçägebezneñ häm kiläçägebezneñ miğmarı xatın-qızlarıbıznıñ 8nçe mart xalıqara xatın-qızlar köne ber kön tügel, här kön qotlı bulsın”, - dip belderde.



Bäyläneşle xäbärlär