İlbaşı Ärdoğan Afrika säfärenä çıqtı

İlbaşı Ärdoğan İstanbul Atatörek hawa mäydanınnan başqala Kinşasağa xäräkät itte.

Ärdoğan belän bergä Tışqı êşlär ministrı Mäwlüt Çavuşoğlu, Êçke êşlär ministrı Söläyman Soylu, Milli saqlanu ministrı Hulusi Akar, Säwdä ministrı Mäxmät Muş, Transport häm asqorma ministrı Adil Qaraismailoğlu, Yäş’lär häm sport ministrı Mäxmät Möxärräm Kasapoğlu, İlbaşı idaräseneñ êlemtä başlığı Fahrettin Altun, İlbaşı idaräse süzçese İbrahim Qalın häm Saqlanu sänäğäte başlığı İsmail Dämir dä säfärdä qatnaşa.

İlbaşı Ärdoğan Kongo Demokratik Cömhüriyätendäge oçraşularınnan soñ Senegalğa häm Gvineya-Bisauğa baraçaq.

Säfärlär qısalarında ütkäreläçäk räsmi söyläşülärdä ike yaqlı mönäsäbätlär bar yaqlap qaralaçaq, Törkiyä belän bu illär arasındağı xezmättäşlekneñ här ölkädä üsterelüe mömkinlekläre quzğatılaçaq.

Ärdoğan Dakarğa säfärendä ber törek şirkäte tözegän 50 meñ keşelek Dakar Olimpik stadionınıñ açılış tantanasında Senegal ilbaşı häm çaqırulı illärneñ däwlät başlıqları belän bergä qatnaşaçaq.

Törkiyä ilbaşınıñ bu qısada qatnaşuçı il liderları belän ike yaqlı söyläşülär uzdıruı da planlaştırıla. Säfär uñayınnan Dakardağı ilçelekneñ yaña binasınıñ räsmi açılışı da Törkiyä ilbaşı Räcäp Tayyip Ärdoğan tarafınnan yasalaçaq.

Ärdoğannıñ Gvineya-Bisauğa säfäre Törkiyädän bu ilgä ilbaşı däräcäsendä berençe räsmi säfär bulaçaq.

İlbaşı Ärdoğannıñ Kongo Demokratik Cömhüriyäte, Senegal häm Gvineya-Bisauğa yasayaçaq säfärläreneñ ike yaqlı säwdä külämeneñ bilgelängän maqsatlar qısalarında artuı häm törek êşmäkärläreneñ töbäkkä kertäçäkä investiśiyäläreneñ kübäyüe forsatların tudıruı kötelä.