Törkiyä İlbaşı: "Zelenskiy belän Putin belän oçraşu mäs’äläsendä kileştek”

Ärdoğan Ukrainadan qaytqan çaqta oçqıçta jurnalistlarğa könüzäk mäs’älälärgä qağılışlı bäyäläwlär yasadı, sorawlarğa cawap birde.

Säfäre waqıtında Ukrainanıñ suverenlığına, säyäsi berlegenä häm cir bötenlegenä yaqlawnıñ tağın ber tapqır telgä alınuın citkerüçe Ärdoğan: "Qızğanıç, Ukraina belän Rusiyä mönäsäbätlärendä kiyerenkelek arta bara. Kiyerenkelekneñ beterelüe öçen kiräkle öleş kertügä äzer buluıbıznı xörmätle Zelenskiygä ayıruça belderdek. Üzläre dä “mondıy adımda üz burıçın ütärgä äzer buluın citkerde”, - dip iskärtep uzdı.

İlbaşı Ärdoğan jurnalistlarnıñ Ukraina belän Rusiyä arasında yäşängän kiyerenkelektä xalıqara matbuğatnıñ ber öleşe belän Amerika Quşma Ştatları häm Angliya äydäp barğan däwlätlärneñ kiyerenkelekne arttıru yünäleşendäge açıqlawlarına qarata bäyäläwen sorawı uñayınnan:

“Şuşı barış êçendä Könbatış, qızğanıç, xäzergä qadär şuşı êşneñ çişeleşenä öleş kertmäde. Bu mäs’älä belän bäyle bularaq Putin belän küreşügä ähämiyät biräm. Çönki Zelenskiy belän oçraşuıbızda bolay da bu mäs’älälärdä äñgämädäşebez buluın kürdem. Çönki xäzerge waqıtta Awrupada bu êşne xäl itüdä lider mäs’äläsendä citdi awırlıq bar. Bayden da bu barışta älegä uñay totışın kürsätä almadı. Telägebez: bez Putin belän ütkäräçäk oçraşudan soñ, ägär aradaşçılıq sıyfatı bezgä birelsä, üz burıçıbıznı ütärgä tırışu”, - dip belderde.

Ärdoğan Azärbaycan İlbaşı İlham Aliyevneñ häm Angliya Baş ministrı Boris Djonsonnıñ da Ukrainağa säfär yasawın iskä töşerep: “İlham Aliyev qardäşebez belän bu säfärennän soñ qayber söyläşülärebez buldı. Böten mäs’älä ber äyber kötmiçä bu êşneñ çişeleşe öçen närsä başqara aluıbız”, - dip äytte.

Rusiyä İlbaşı Vladimir Putin belän Ukraina Däwlät başlığı Vladimir Zelenskiyneñ älegä tormışqa aşmağan oçraşuı belän bäyle soraw uñayınnan Ärdoğan Putinnıñ Qıtaydan qaytqannan soñ Törkiyägä säfär yasayaçağın citkerep: "Xäzer datanı bilgeläyäçäkbez. Annan soñ Putin belän Zelenskiyne yuğarı däräcädä oçraştıru öçen, inşallah, bu cıyılışnı ütkärergä telibez. Zelenskiy belän kileşüebez şuşı yünäleştä. Bez monnan alaçaq näticäneñ töbäktä yaña şäkellänügä, formalaşuğa forsat biräçägenä ışanam. Zelenskiy belän oçraşu waqıtında mindä şuşı ömet tudı. İnşallah, axırı da xäyerle bulır”, - dip belderde.