Ärdoğan Ukrainağa yul tota

Törkiyä ilbaşı Räcäp Tayyip Ärdoğan Ukraina däwlät başlığı Vladimir Zelenskiynıñ çaqıruı buyınça bügen Kiyevqa yul tota. Ul ike il arasındağı Yuğarı däräcäle strategik şuranıñ unınçı utırışında qatnaşaçaq.

İlbaşı idaräsennän belderülärençä, şura utırışında Törkiyä belän Ukraina mönäsäbätläre barlıq yaqları belän qaralaçaq, xezmättäşlekne tağın da üsterü mömkinlekläre xaqında fiker alışınaçaq. Şulay uq, anda regional’ häm xalıqara mäs’älälär temasın da kütärü planlaştırıla.

Kön tärtibendä, monnan tış, törle kileşülär häm uzara añlaşu memorandumnarın imzalaw da bulaçaq.