Putin Törkiyägä qayçan kilä?
Törkiyä Tışqı êşlär ministrı Mäwlüt Çavuşoğlu Rusiyä İlbaşı Vladimir Putinnıñ Törkiyägä kilü waqıtınıñ Rusiyä liderınıñ Pekin olimpiadalarınnan qaytqannan soñ bilgele bulaçağın äytte
Çavuşoğlu Urta Afrika Cömhüriyäte tışqı êşlär, frankofoniya häm çit illärdäge urta afrikalılar ministrı Sylvie Baipo Temon belän başqala Änkarada ütkärgän söyläşüdän soñ urtaq matbuğat oçraşuın oyıştırdı.
Çavuşoğlu İlbaşı Räcäp Tayyip Ärdoğannıñ Törkiyägä çaqıruın qabul itkän Putinnıñ säfäre turında: "Strategik xezmättäşlek cıyılışı öçen Ärdoğan Putinnı Törkiyägä çaqırdı. Ğıynwar ayı turı kilmäde. (Rusiyä İlbaşı idaräse) Kreml’ Putinnıñ Pekin olimpiadalarınnan qaytqannan soñ waqıtnıñ xäbär iteläçägen belderde.
Rusiyä-Ukraina kiyerenkelege belän bäyle bularaq isä Çavuşoğlu: "Töşençälärebez belän küp tapqır urtaqlaştıq. Mondıy kiyerenkelekneñ bäreleşlärgä äylänmäwe zarurlığın belderdek. Bezneñ telägebez - bu dialognıñ däwam itüe”, - dip äytte.
Ärmänstan belän başlatılğan häm Azärbaycan da yaqlağan cayğa salu barışınıñ ışanıç arttıruçı adımnar belän däwam itüen añlatuçı Çavuşoğlu bu qısada Törkiyä belän Ärmänstan maxsus wäkilläreneñ berençe oçraşuınıñ Mäskäwdä uzuın xäterlätte.
Çavuşoğlu maxsus wäkillärneñ êlemtädä buluın, monnan soñğı cıyılışnıñ qayda häm qayçan ütkäreläçägen bergä qarar qılaçaqların iskärtep uzdı.
Antaliya diplomatiya forumına çaqırılğan Ärmänstan tışqı êşlär ministrı Ararat Mirzoyan belän maxsus wäkil Ruben Rubinyannıñ forumda qatnaşaçaqların belderüçe Çavuşoğlu qatnaşularınnan şat buluların citkerep: "Işanıç arttıruçı adımnarnıñ ber öleşe bulaçaq”, - dip äytte.
