Törkiyäneñ xolokostnı iskä alu köne yullaması
Törkiyä naśist rejimı häm xezmättäşläre tarafınnan sistemalı räweştä küpläp üterelgän yähüdlärneñ, çigännärneñ, ğariplärneñ, nişan itep alınğan azçılıqlarğa häm törkemnärgä äğ’za millionlagan keşeneñ xörmät belän iskä alınuın belderde
Tışqı êşlär ministrlığınnan "Xalıqara xolokostnı iskä alu köne” mönäsäbäte belän yasalğan yazma belderüdä Ğosmanlı imperatorlığınıñ häm Törkiyäneñ tarix buyı dönyanıñ törle töbäklärendä zolım kürgän yähüdlär belän bergä millionlagan keşeneñ sıyınğan ışanıçlı urın buluına iğ’tibar yünältelep, İkençe Bötendönya suğışı waqıtında da naśistlardan qaçqan küp sanda yähüdneñ qabul itelüenä basım yasaldı.
Belderüdä, şuşı barışta qorbannarğa törek diplomatlarınıñ yärdäm qulın suzuı xäterlätelep: “Şuşı çorda küp sanda yähüd konślagerlarğa cibärelüdän törek xökümäteneñ täwäkkällege häm törek diplomatlarınıñ gacäyep tırışlığı belän qotqarıldı. Şul uñaydan qorbannarğa yärdäm qulın suzğan diplomatlarıbıznı da iskä alabız”, - dip äytelde.
Xolokost qorbannarınıñ bıyıl “Kovid-19” arqasında onlayn bularaq oyıştırılğan cıyın belän iskä alınaçağı citkerelgän belderüdä: "Törkiyä antisemitizmğa, ksenofobiyağa, rasaçılıqqa, İslamofobiyağa häm tüzemsezlekneñ barlıq törlärenä taşlamasız qarşı toruın däwam itä häm näfrätkä nigezlängän söylämnär häm cinayätlär belän köräş ölkäsendäge xalıqara xezmättäşlekkä öleş kertä”, - dip iskärtelep uzıldı.
Bäyläneşle xäbärlär
Fidan - Abdullahiyan söyläşüe
Törkiyä tışqı êşlär ministrı İran wazıyfadaşı belän telefon aşa êlemtägä kerde
