Putin belän Zelenskiy Törkiyädä oçraşaçaqmı?

Törkiyä ilbaşı kiyerenkelekneñ dialog yulı belän çişeläçägenä ömetlänä häm monıñ öçen qulınnan kilgänne êşlärgä äzer

1769101
Putin belän Zelenskiy Törkiyädä oçraşaçaqmı?

Törkiyä ilbaşı Räcäp Tayyip Ärdoğan Rusiyäneñ Ukrainağa bärep kermäyäçägenä ömetlänüen belderde. Ul ber telekanalda könüzäk mäs’älälär xaqında fikerlären söyläde.

Ärdoğan Rusiyä belän Ukraina arasındağı kiyerenkelek belän bäyle bularaq bolay dide: “İke lidernı (Rusiyä häm Ukraina däwlät başlıqların), teläsälär, ilebezdä bergä oçraştırıp tınıçlıqnı qabat torğızu yulın aça alabız”.

Ärdoğan Törkiyäneñ başınnan birle Ukrainanıñ cir bötenlege häm suverenlığın yaqlawın häm bu poziśiyäneñ üzgärmäyäçägen dä belderde.  

“Rusiyäneñ Ukrainağa qarata qorallı höcüm häm basıp alu yulınnan kitmäyäçägenä ömetlänäm. Mondıy adım Rusiyä häm region öçen raśional’ tügel,”-dide Törkiyä ilbaşı.

Ärdoğan İzrail belän mönäsäbätlär xaqında da süz quzğattı. Ul älege däwlätneñ ilbaşı İśxak Gerśognıñ fevral’ ayı başında Törkiyägä kilü ixtimalın äytte.

“Bu säfärdän soñ Törkiyä belän İzrail mönäsäbätlärendä yaña çor başlanırğa mömkin,”-dide Ärdoğan.



Bäyläneşle xäbärlär