"Putin belän Zelenskiynı oçraştırırğa telibez"

Bu xaqta Törkiyä ilbaşı Räcäp Tayyip Ärdoğan belderde

1765956
"Putin belän Zelenskiynı oçraştırırğa telibez"

Törkiyä ilbaşı Räcäp Tayyip Ärdoğan Rusiyä däwlät başlığı Vladimir Putin belän Ukraina ilbaşı Vladimir Zelenskiynı ozaqlamıy oçraştırunı häm küreşep söyläşülären täêmin itüne teläwlären äytte.

İlbaşı başqala Änkarağa räsmi säfär belän kilgän Sal’vador däwlät başlığı Nayib Bukele belän matbuğat oçraşuı oyıştırdı.

Ärdoğan Sal’vador belän säwdä külämen berençe êtapta 100 million dollarğa, kiläse 5 yılda 500 million dollarğa citkerüne maqsat itülären äytte.

Matbuğat oçraşuınnan soñ ilbaşı jurnalistlarnıñ sorawlarına cawap birde häm Rusiyä belän Ukraina mönäsäbätlärenä qağıluçı sorawğa: “Töbäktä tınıçlıqnıñ urnaşuın telibez, tiskäre täraqqıyät’lär küzätelmäsen. Xörmätle Putin belän Zelenskiynı qısqa waqıtta oçraştırunı häm küreşep söyläşülären täêmin itüne telibez. Xörmätle Putinnıñ Törkiyägä säfärenä dä, minem Ukrainağa säfäremä dä zur ähämiyät biräbez. Kiläse ay başlarında Ukrainağa säfär yasıym. Putin belän dä küreşäm,” – cawabın qaytardı.



Bäyläneşle xäbärlär