Törkiyä “qara ğıynwar’” ütereşendä şähit buluçılarnı iskä aldı

Törkiyä Milli saqlanu ministrlığı 1990nçı yılnıñ 20nçe ğıynwar’ könne Azärbaycanda yäşängän häm “Qara ğıynwar’” dip belengän küpläp üterüdä şähit itelgännärne iskä aldı

1765783
Törkiyä “qara ğıynwar’” ütereşendä şähit buluçılarnı iskä aldı

Ministrlıqtan yasalğan belderüdä: "1990nçı yılnıñ 20nçe ğıynwar’ könne qardäş Azärbaycanda yäşängän häm “qara ğıynwar’” dip belengän küpläp ütereştä şähit itelgän qardäşlärebezne Allahnıñ yarlıqawı belän iskä alabız. Yaxşı köndä dä, naçar köndä dä “ber millät, ike däwlät” bularaq azärbaycan qardäşlärebez belän bergä buluıbıznı däwam itäçäkbez”, - dip äytelde.

Ärmännärneñ artqan cir taläplärenä häm sovet citäkçelegenä reakśiyälären kürsätergä telägän meñnärçä azärbaycan 1990nçı yıl başında Baqınıñ Azatlıq mäydanında cıyıla häm ozaq waqıtlı mitinglarğa başlıy.

Uram cıyınnarın tarqatu maqsatınnan çığıp 20nçe ğıynwar’da Baqınıñ törle urınnarına kergän 26 meñ keşelek sovet armiyası xatın-qızlar häm balalar belän bergä tınıç xalıqtan 147 keşene üterä, yözlägän keşene yaralıy.

Şähitlär yözlärçä meñ keşe qatnaşuında küz yäş’läre êçendä qızıl qanäfer çäçäkläre belän bügenge iseme belän Şähitlär alleyası”nda cirlänä.

Azärbaycannar 32 yıl buyı här 20nçe ğıywar’da qullarında "20nçe ğıynwar’” qorbannarınıñ simvolına äylängän qanäfer çäçäkläre belän şähitlär ziratına bara.



Bäyläneşle xäbärlär