Çavuşoğlu: “Mart ayında qayber Latin Amerika illärenä baraçaqmın"

Törkiyä Tışqı êşlär ministrı Mäwlüt Çavuşoğlu mart ayında qayber Latin Amerika illärenä säfär yasayaçağın belderde

1765718
Çavuşoğlu: “Mart ayında qayber Latin Amerika illärenä baraçaqmın"

Çavuşoğlu Latin Amerika illäreneñ ilçeläre häm Törkiyä Böyek Millät Mäclese duslıq törkeme başlıqları belän Änkara universitetında êşlekle cıyılış ütkärde.

Biredä çığış yasawçı Çavuşoğlu Latin Amerika illäre belän xezmättäşlekne üsterüdän bik şat buluların belderep: "Mart ayında berniçä ilne üz êçenä alğan Latin Amerika säfären oyıştırabız. Braziliyadan çaqıru kilde, kön’yaqtan başlayaçaqbız. Urta Amerikağa qadär 4 yäki 5 ilgä säfär yasayaqbız. Bağlanışlarıbıznı tağın da köçäytäçäkbez. Mönäsäbätlärebezne tağın da üsterü öçen wazıyfadaşlarıbız belän häm ägär qabul itsälär liderlar belän möhim söyläşülärebez bulır, dip ışanabız”, - dide.

Çavuşoğlu, Latin Amerika töbägendäge xalıqara oyışmalar belän dä yaqın xezmättäşlek urnaştırularına iğ’tibarnı yünältep, Urta Amerika integraśiya sisteması (SICA) belän monnan soñğı cıyılışnı liderlar däräcäsendä Törkiyädä ütkärergä teläwlären belderde.

Törkiyäneñ Latin Amerika töbägendäge wäkilçelek sanın 17gä citkerüen, Latin Amerikadağı illärneñ Törkiyädäge ilçelek sanınıñ da 16ğa citüen xäterlätüçe Çavuşoğlu bik möhim yul uzuların iskärtep uzdı.

Çavuşoğlu Törkiyä belän Latin Amerika töbägendäge iq’tisadi êlemtälärneñ tağın da kübräk üsterelüe häm säwdä aldındağı kirtälärneñ beterelüe zarurlığına iğ’tibarnı yünältte.

"Latin Amerika belän mönäsäbätlärdäge maqsatıbız – komanda ruxı belän urtaq kiläçäk öçen xezmättäşlegebezne arttıru”, - dip äytüçe Çavuşoğlu bu yünäleştä êşläwlären häm başqarılaçaq böten êşçänlekkä iñ köçle räweştä yärdäm kürsätäçäklären citkerde.



Bäyläneşle xäbärlär