Törkiyä Germaniyädäge vandallıqqa rizasızlıq belderde

Yaña yıl tönendä möselman ziratında töreklärneñ qaber taşların cimerdelär

1755603
Törkiyä Germaniyädäge vandallıqqa rizasızlıq belderde

Törkiyä Germaniyädä möselman ziratına höcüm itüçelärneñ êläkterelep mäxkämägä çığarıluların häm cäzaların aluların teläde. Tışqı êşlär ministrlığınnan bu mäs’älä belän bäyle belderü yasaldı. Anda Germaniyäneñ İzerlon şähärendä Yaña yıl tönendä êşlängän vandallıq oçrağına ärnü citkerelä. Bilgesez keşelär töreklärneñ häm möselmannarnıñ qaber taşların cimergän.

Belderüdä äytelgänçä, bu - soñğı çorda Awrupada köçäyä baruçı häm möselmannarnıñ qaberleklärenä qadär höcüm itüçe awıru islamofobik mentalitetnıñ ber kürsätkeçe.

“Bu ayanıçlı höcümneñ ğayepleläre açıqlanır, cawapqa tartılır häm tiyeşle cäzasın alır dip ömetlänäbez. Mondıy waqıyğalar bulmasın öçen kiräkle çaralarnıñ kürelüen telibez,”-diyelä belderüdä.



Bäyläneşle xäbärlär