Şäntop: “Törkiyädä törle êtnik keşelär qawemdäş bulıp yäşi”
Törkiyä Böyek Millät Mäclese başlığı Mostafa Şäntop Qarataw säfäre qısalarında Tuzi şähärendäge Mäxmät Fatih mädräsäsendä buldı
Şäntopnı Qarataw İslam berlege başlığı Rifat Fäyziç, Törkiyäneñ Podgoriśa ilçese Songül Ozan häm başqa räsmilär dä ozatıp yörde.
Şäntop bu qısada Mäxmät Fatih mädräsäsendä belem aluçı uquçılar belän äñgämä qordı.
Qaratawnıñ bik mädäniyätle häm küp êtniklı il buluın iskärtep uzuçı Şäntop Törkiyädä bosniyalı häm alban kebek törle êtnik çığışı bulğan keşelärneñ yäşäwen häm bolarnıñ Törkiyädä qawemdäş buluın belderde.
Şäntop: “Bezneñ ber yullamabız bar. Böten dönyada keşelärneñ tınıçlıq êçendä, üz ışanularına qarap yäşi alaçaq moxitnı tözi alu”, - dip äytte.
Ğosmanlı däwläteneñ ğasırlar buyı Balkan geografiyasında xökem sörep şuşı cirlärne idarä itüen belderüçe Şäntop: “Biredä yäşäwçe törle millät keşeläre üz êtnik tamırların, cämğıyätlären, tellären, dinnären saqlağan, ğıybadätxanäläre yözlärçä yıl isän qalğan. Ğosmanlı däwläte ul çaqta dönyanıñ iñ zur köçe bula häm oyışmaları bik yaxşı êşlägän, äle dä böten dönyanıñ ürnäk alırğa tırışqan yaxşı oyışmaları, bigräk tä mäğarif oyışmaları bulğan däwlät”, - dip belderde.
Şäntop, Tuzi şähärendä TİKA Törki xezmättäşlek häm koordinaśiya agentlığı restovraśiyälägän Tuzi Nizam camiğına da barıp, mäçet turında Fäyziçtän mäğ’lümat aldı.
Şäntop Qarataw (Montenegro-Çernogoriya) başqalası Podgoriśada Goriśa partizan häykälenä naśistlar çorındağı qorbannar istälegenä çäçäk bäylämnären saldı.
