Törkiyä ilbaşı Germaniya kanślerı belän telefonnan söyläşte
Ärdoğan Şol’śnı wazıyfasına kereşü uñayınnan täbrik itte
1750828
Törkiyä ilbaşı Räcäp Tayyip Ärdoğan Germaniya kanślerı Olaf Şol’ś belän telefonnan söyläşte.
İlbaşı idaräseneñ êlemtä bülege xäbär itkänçä, Ärdoğan yaña çorda ike il arasındağı mönäsäbätlärdä aqıllı fiker yörtü häm strategik qaraş östenlek itäçägenä ışanuın äytte.
Söyläşüdä Törkiyä –Germaniya mönäsäbätlären yaxşırtu adımnarı häm regional’ problemalar turında da süz bardı.
Törkiyä ilbaşı Şol’śnı wazıyfasına kereşü uñayınnan täbrik itte.
Ärdoğan ike il mönäsäbätläre cähätennän tığız koordinaśiya häm daimi êlemtäneñ faydalı bulaçağına basım yasadı.
Ul Törkiyä - Awrupa Berlege mönäsäbätläreneñ quşılu perspektivasına nigezlängän uñay kön tärtibe qısalarında alğa baruı kiräklegen assızıqladı.
