Ukraina krizisnı çişüdä Törkiyäneñ dä qatnaşuın teli

Ukraina däwlät başlığı Vladimir Zelenskiynıñ matbuğat särqatibe Sergey Nikiforov, Törkiyäneñ Donbass krizisı söyläşülärendä qatnaşuın da kertep, çişeleşkä faydası bulaçaq formatlarğa uñay qarawların belderde. Ul bu xaqta “Kommersant” gazetına interv’yusında äytte. Nikiforov Rusiyä belän turıdan-turı söyläşülär, Törkiyäneñ anda qatnaşuı häm Amerika Quşma Ştatlarınıñ Normandiyä formatına östälüen urınlı dip uylawların belderep: “İñ ähämiyätlese - monıñ praktik näticälär kiterüe” – dide.

Törkiyä ilbaşı Räcäp Tayyip Ärdoğan Katarğa säfärennän soñ jurnalistlarğa interv’yusında bolay dip belderde: “Rusiyä-Ukraina kiyerenkelegendä ike yaqnıñ da rizalığı belän bulışlıq, aradaşçılıq yäisä telägän başqa ber formatta yärdäm itä alabız”.