Xarcamad häm Gorgor Törkiyädä öyrätelä

Törek qorallı köçlärendä öyrätelgän 100dän artıq Somali maxsus köçlär suğışçısı illärenä qaytıp kitte. Alarnı başqala Mogadişudağı Aden Adde xalıqara aêroportında Somali armiyäse cäyäwle ğaskärlär komandirı Möxämmät Taxlil Bixi häm yuğarı däräcäle xökümät wäqalätleläre qarşı aldı.

Somalilı ğaskärilär zamança xärbi öyränüne Törkiyäneñ Isparta şähärendä uzdı. Alar Äl-Kaida belän bäyle terrorçı oyışması Äş-Şäbabqa qarşı köräştä alğı rätlärdä bulaçaq.  

Törkiyä belän Somali arasında 2010nçı yılda xärbi belem xezmättäşlege turında kileşü tözelgän ide. Bu öyrätü dä älege dokumentnıñ ber öleşe.

Somalida Xarcamad häm Gorgor dip ataluçı maxsus berleklär bar. Alar terrorçılıqqa qarşı köräşä.

Äş-Şäbab terrorçı oyışması ildä bik yış iminlek köçläre häm toraq punktlarğa höcüm itä.