İlbaşı yärdäm oyışmaları citäkçelären qabul itte

Alar qaçaqlarğa, ayıruça Törkiyä häm kürşe illärdäge süriyälelärgä, gumanitar yärdäm kürsätü çaraları turında süz alıp bardı

1742832
İlbaşı yärdäm oyışmaları citäkçelären qabul itte

 Törkiyä ilbaşı Räcäp Tayyip Ärdoğan “Qızılay” oyışması başlığı Käräm Kınık häm Xalıqara Qızılay – Qızıl Xaç cämğıyät’läre federaśiyäse ğomum särqätibe Yagan Çapagainnı qabul itte.

İlbaşı idaräseneň êlemtä bülege beldergänçä, oçraşu İstanbuldağı Haliç kongress üzägendä uzdı.

Anda qaçaqlarğa, ayıruça Törkiyä häm kürşe illärdäge süriyälelärgä, gumanitar yärdäm kürsätü çaraları häm İstanbulnı gumanitar yärdämneň logistik bazası itü östendä alıp barılğan êşçänleklär söyläşelde.

İlbaşı Törkiyäneň süriyälelärne irekle qaytaru êşlärenä Xalıqara Qızılay – Qızıl Xaç cämğıyät’läre federaśiyäseneň häm xalıqara cämäğät’çelekneň näticäleräk yärdäm kürsätergä tiyeşlegen assızıqladı.

Qızılay oyışması başlığı Käräm Kınık häm Xalıqara Qızılay – Qızıl Xaç cämğıyät’läre federaśiyäse ğomum särqätibe Yagan Çapagain qaçaqlar problemasın här platformada kön tärtibendä totqan häm gumanitar yärdämnär öçen ilbaşı Ärdoğanğa räxmät belderdelär.



Bäyläneşle xäbärlär