Ärdoğan: “Ukraina belän Rusiyä arasındağı kiyerenkelektä bezneñ totışıbız bilgele”

Ärdoğan, soñğı yıllarda telängän däräcädä bulmağan Törkiyä-Berläşkän Ğaräp Ämirlekläre mönäsäbätlärendä matur alğarışlar buluın belderep, Berläşkän Ğäräp Ämirlekläre tarafınıñ Törkiyädä kapital salırğa äzer buluın äytte.

Berläşkän Ğaräp Ämirlekläre täxet warisı prinś Şäyex Möxämmäd bin Zayäd Äl Nahyannıñ 24nçe noyabr’däge Törkiyä säfäre waqıtında ike il arasında tözelgän kileşülärneñ yaña çornıñ başlanuına forsat buluın belderüçe Ärdoğan: “Monnan soñğı barışqa qağılışlı bularaq nasıyp bulsa min fevral’ ayında cawap säfären yasayaçaqmın. Minnän alda tışqı êşlär ministrım häm Milli küzläw oyışması başlığımnıñ säfärläre bulaçaq. Aläzerleklär bulaçaq. Annan soñ fevral’dä dä, inşallah, min kiñ wäkillek belän kitäçäkmen häm qayber adımnarnı bik köçle itep yasayaçaqbız. 10 milliard dollar külämendä investiśiya planın täq’dim ittelär. Bu kapital salu planın da tormışqa aşıru belän tağın da üzgä kiläçäkne töziyäçäkbez. Bu ölkädä dä matur täräqqiyätlär bulaçaq”, - dip äytte.

İzrailgä häm Misırğa tulı wäqälätle ilçe bilgeläw mäs’äläsenä dä tuqtalıp uzuçı Ärdoğan: “Qararğa kilgän çaqta, älbättä, ilçelärne bilgeläw bilgele ber kalendar-plan nigezendä bulaçaq. Berläşkän Ğaräp Ämirlekläre belän arabızda niçek adım yasalğan bulsa, başqaları belän dä mona oxşaş adımnarnı yasayaçaqbız”, - dip äytte.

Ukraina belän Rusiyä arasında yäşängän problemanı bäyäläwçe Ärdoğan: “Ukraina belän Rusiyä arasındağı kiyerenkelektä bezneñ totışıbız bilgele. Bez bigräk tä qırım tatarlarına qağılışlı şart belän ber rättän töbäktä tınıçlıq urnaşuın yaqlıybız. Dus Rusiyä belän häm ayıruça (Rusiyä İlbaşı) Vladimir Putin belän bu mäs’älälärne küp tapqır söyläştek, söyläşäbez”, - dip belderde.