Ğıyraq, Yämän häm Süriyä watandaşları bortqa alınmıy

Belarus’tağı migrant krizisı säbäple Törek hawa yulları Ğıyraq, Yämän häm Süriyä watandaşı bulğan yulçılarğa bilet satmasqa qarar qıldı. Şirkätneñ bu programmanı tormışqa aşırunı kiçä 18 säğat’ 30 minuttan başlawı bilgele.

Törek hawa yullarınnan alınğan mäğ’lümatlarğa qarağanda, Ğıyraq, Yämän häm Süriyädän kilep Belarus’qa säfäre bulğan yulçılar oçqıçqa kertelmäyäçäk. Moña Belarus’ta yäşäw xoquqı buluçılar da kerä. Barı diplomatik passportı buluçılar ğına säfärlärgä qabul itelä.