Vengriya Baş ministrı Törkiyädä
Vengriya (Macarstan) Baş ministrı Viktor Orban räsmi säfär belän Törkiyägä kilde
İlbaşı Räcäp Tayyip Ärdoğan Orbannı İlbaşı qolliyätendä räsmi tantana belän qarşı aldı.
Ärdoğan häm Orban Törkiyä-Macarstan (Vengriya) yuğarı däräcäle strategik xezmättäşlek şurasınıñ 5nçe cıyılışınnan soñ kileşülärgä imza saluda häm urtaq matbuğat oçraşuında qatnaşaçaq.
Şul arada Macarstan Baş ministrı Orban räsmi qarşı alu tantanası aldınnan İlbaşı Ärdoğan belän bergä Bäştäpädäge 15nçe iyül’ Demokratiya muzeyı cirlegendäge Millät urmanında oyıştırılğan Milli ağaç utırtu köne tantanasında qatnaştı.
Orban biredä yasağan çığışında Törkiyä Cömhüriyäteneñ tözüçese olı yulbaşçı Mostafa Kemal’ Atatörekneñ wafat buluınıñ yıllığınıñ ikençe könenä turı kilgän Milli ağaç utırtu könendä Änkarada ağaç utırtu cıyınında qatnaşudan şat buluın belderep, Atatörekneñ baş baqçaçısı İmrä Ormosnıñ da macar (vengr) buluın äytte.
