Aliyev Törkiyäneñ Cömhüriyät bäyrämen qotladı

Azärbaycan İlbaşı İlham Aliyev 29nçı üktäbr’ Cömhüriyät bäyräme mönäsäbäte belän Däwlät başlığı Räcäp Tayyip Ärdoğanğa qotlawnamä cibärde.

Yullamasında Törkiyä Cömhüriyätenä nigez salınuı yıllığı mönäsäbäte belän Ärdoğannı häm törek xalqın şäxsän häm Azärbaycan xalqı isemennän qotlawçı Aliyev säyäsi, iq’tisadi, xärbi yaqtan köçle häm totrıqlı Törkiyäneñ xalıqara arenada bik möhim urınğa iyä buluın belderde.

Aliyev, Ärdoğan liderlığında tormışqa aşırılğan kiñ qırlı programmalarnıñ häm proyektlarnıñ Törkiyäneñ här yaqtan alğa taba baruına häm üsüenä xezmät itüen belderep, törek xalqınıñ Ärdoğanğa bulğan zur ışanıçınıñ strategik üseş sızığınıñ uñışqa ireşüendäge iñ möhim faktör buluın iskärtep uzdı.

Törkiyä häm Azärbaycan duslıq häm qardäşlek mönäsäbätläreneñ ike xalıqnıñ urtaq tarixi, milli häm ruxi qıymmätläre kebek nıq nigezlär östendä qorıluın belderüçe Aliyev:

"Xäzerge waqıtta bu mönäsäbätlärneñ tarixi çorına şahit bulabız. Şuşa bäyannamäsendä belderelgän maqsatlar häm yünäleşlär nigezendä berlektäşlek mönäsäbätlärebez här uzğan kön kiñäyä häm yaña êçtäleklär belän bayıtıla.

Azärbaycan cirläreneñ azat itelüe öçen alıp barılğan köräştä turıdan-turı sezneñ, qardäş törek däwläte häm xalqınıñ qatğıy säyäsi häm ruxi yaqlawı zur rol’ uynadı. Azärbaycan belän Törkiyäneñ teläktäşlegen tağın ber qat böten dönyağa kürsätkän bu yärdämne xalqıbız hiç onıtmayaçaq.

“Ber millät, ike däwlät” nigeze qısalarında berlegebezne, här ölkädä êffektiv häm aktiv xezmättäşlegebezne tağın da köçäytü häm üsterü öçen urtaq tırışlığıbıznı däwam itärbez dip tulısınça ışanam”, - dide.