Törek ğaskäreneñ Livandağı wazıyfa möddäte ozınaytıldı
Livandağı törek ğaskäreneñ wazıyfa waqıtın 1 yılğa ozınaytqan kürsätmä Törkiyä parlamentında qabul itelde
1725520
Törkiyäneñ Livanda urnaşqan Berläşkän Millätlär Oyışması waqıtlı wazıyfa köçenä Törek qorallı köçläreneñ öleş kertüe möddäten ber yılğa ozınaytqan İlbaşı kürsätmäse Törkiyä Böyek Millät Mäclesendä tikşerelde.
Säyäsi partiya wäkilläreneñ çığışlarınnan soñ kürsätmä tawışqa quyılıp qabul itelde.
Bu räweşle Törkiyäneñ Livanda kürsätkän yärdämneñ waqıtı 31nçe üktäbr’dän başlap ber yılğa ozınaytıldı.
Törek qorallı köçläreneñ zarur bulğan oçraqta çikar’yağı xäräkäten ütkärü öçen Ğıyraqqa häm Süriyägä cibärelüe mäs’äläsendä İlbaşına birelgän wäqalätneñ 2 yılğa ozınaytıluına qağılışlı kürsätmä dä sişämbe könne parlamentta qabul itelgän ide.
