Ärdoğan İskeşähär xatın-qızları belän oçraştı
Oçraşuda süz Törkiyädä xatın-qızlarnıñ urını häm role turında bardı
Törkiyä ilbaşı Räcäp Tayyip Ärdoğan İskeşähärgä säfäre waqıtında êşmäkär, fermer, student, sportçı, sänğat’çe häm êşçe xatın-qızlar belän oçraştı. Ul üz çığışında, xatın-qız häm ir-at arasında ayırma yasamıyça, ilneñ barlıq äğ’zaları belän böyek häm köçle Törkiyä xıyalın tormışqa aşıruların assızıqladı.
Däwlätebezneñ kiläçäge belän bäyle här fiker, här proyektnı sezneñ belän bergä tormışqa aşıraçaq räweştä planlaştırabız häm ütibez,”-dide Ärdoğan.
İlbaşı Törkiyädä xatın-qızlarnıñ, bigräk tä, mäğarif, citeşterü, mäşğul’lek, säyäsät häm sośial’ tormışta iñ zur alğa kiteş kürsätkän çornıñ üz çorları buluın belderde.
“Min monı ışanıp äytäm: här qatlamnan xatın-qızlarıbıznıñ üz mömkinleklären ğailäse, şähäre häm däwläte öçen tormışqa aşıra aluın täêmin itüçe asqormanı bez qordıq, uñay şartlar buldırdıq, kirtälärne yuq ittek. Xatın-qızlarıbıznıñ belem alu häm citeşterü mäydannarında uzğan yulı çınlap ta tarixi uñışnı kürsätä,”-dip söyläde Törkiyä ilbaşı.