Qırğızstan Törkiyädän xärbi dron alaçaq
Qırğızstan - keşesez qorallı hawa apparatlarına iyä az sanlı däwlätlärneñ berse bulaçaq
1723320
Qırğızstan milli qurqınıçsızlıq däwlät komitetı räise, general Kamçıbäk Taşiyev Törkiyädän “Bayraktar TB2” qorallı keşesez hawa apparatı alaçaqların belderde.
Däwlätneñ çik buyı sağı xezmätlärenä yaña satıp alınğan qorallarnı tapşıru tantanası ilbaşı Sadır Caparov qatnaşında uzdı. Şunnan soñ general Taşiyev jurnalistlarğa belderü yasadı. Ul Törkiyägä dronnar öçen zakaz birülären häm tizdän alarnı alaçaqların äytte. General keşesez qorallı hawa apparatlarınıñ bik az däwlättä barlığın assızıqladı. “Bolardan berse bezneñ il bulaçaq. Dronnarnı qullanaçaq keşelär Törkiyädä öyränü uzdı,”-dide ul.
