“İstanbul – möhim finans üzäklärennän berse buluğa layıq”

İlbaşı Räcäp Tayyip Ärdoğan İstanbul finans üzäge belän dönyadağı möhim üzäklärdän berse buluğa layıq buluın äytte

1723015
“İstanbul – möhim finans üzäklärennän berse buluğa layıq”

"Regional’ finans konferenśiyası”na video yullama cibärüçe Ärdoğan yaqınça 2 yıl buyı sälamätlek saqlaw belän bergä iq’tisadi yağı da bulğan global’ krizis belän köräş alıp barıluına iğ’tibarnı yünältte.

İlbaşı Ärdoğan 2020nçe yılda dönya iq’tisadı 3,5%qa keçeräygän bulsa, global’ säwdädä 10%qa yaqın azayunıñ buluına basım yasap, azıq-tölek häm tovar bäyäläreneñ dönya külämendä soñğı 10 yılnıñ rekordın quyuın äytte.

Törkiyäneñ şuşı barışta häm kizü belän köräştä häm dä iq’tisad ölkäsendä bütan ısulnı üzläşterüen belderüçe Ärdoğan: "Kizüneñ iñ qızu waqıtında da xätta citeşterü, logistik, êş belän täêmin itü häm sänäğättä êşçänlekne tuqtatmadıq. 2020nçe yılda 1,8% küläm belän G20 êçendä iñ yuğarı üseşne tormışqa aşırğan, sänäğät citeşterüen iñ küp arttırğan illär arasında buldıq. Bu tizlekne 2021nçe yılnñ berençe çiregendä 7,2% häm ikençe çiregendä 21,7% üseş sannarına ireşep däwam itterdek. Şuşındıy uq räweşle êksportta da rekord quyıp ber yıllıq bazada 212 milliard dollarnı uzdıq. Kizü çorında global’ kapital salular 35%qa azayğan bulsa, bezdä hiç tizlegen kimetmäde diyärlek. İnşallah, 2021nçe yılnı 9% üseş belän tämamlawnı küzdä totabız”, - dip äytte.

Şuşı uñışlarğa parallel’ bularaq xalıqara investorlarnıñ Törkiyägä qarata qızıqsınuınıñ artuınıñ kürenüen citkerüçe Ärdoğan: "İstanbulnıñ finans üzäge belän bu ölkädä dönyadağı möhim üzäklärdän berse buluına omtılabız. Bu proyektnıñ İslami finans cähätennän dä märkäz buluın telibez. Monıñ belän bäyle qanunnar cıyılması êşçänlegebezne,  inşallah, yaqın waqıtta tämamlayaçaqbız”, - dip belderde.

Ärdoğan, Törkiyäneñ biznes häm êşmäkärlekne başqaru mömkinlekläre cähätennän xalıqara investorlar öçen şaqtıy cälep itüçe qanunnar cıyılmasına iyä buluın iskärtep uzıp, investorlarnı Törkiyägä çaqırdı.



Bäyläneşle xäbärlär