Azärbaycan häm Gruziya wäkillekläre Törkiyä parlamentında qabul itelde
Törkiyä, Azärbaycan häm Gruziya öç yaqlı tışqı êşlär komissiyası cıyılışında wäkilleklärara söyläşülär ütkärelde
Törkiyä Böyek Millät Mäcleseneñ tışqı êşlär komissiyası başlığı Akif Çağatay Kılıç räislegendä başqala Änkarada parlamentta uzğan cıyılışlarda Azärbaycan wäkillegen Azärbaycan Milli Mäcleseneñ tışqı êşlär häm parlamentlarara êlemtälär komitetı başlığı Samad Säyidov, Gruziya delegaśiyasın isä Gruziya parlamentınıñ tışqı êlemtälär komitetı räise Nikoloz Samxaradze wäkillek itte.
Cıyılış aldınnan qısqa açılış cığışları yasaldı.
Törkiyä Böyek Millät Mäcleseneñ tışqı êşlär komissiyası başlığı Kılıç Azärbaycan häm Gruziya wäkilleklären parlamentta qabul itüdän bik şat buluların citkerde.
Säyidov öç ilneñ mönäsäbätlären üsterü öçen êşläyäçäklären añlatqan bulsa, Samxaradze dä öç yaqlı cıyılışlarnıñ kön tärtibendäge mäs’älälärneñ söyläşelüe öçen möhim platforma buluına häm mönäsäbätlärneñ üseş aluına öleş kertäçägenä basım yasadı.
