Ärdoğan belän Putin nilär xaqında söyläşäçäk?

Kreml’ süzçese Dmitriy Peskov Rusiya Federaśiyäse däwlät başlığı Vladimir Putin belän Törkiyä ilbaşı Räcäp Tayyip Ärdoğannıñ Süriyä, Äfganstan häm Liviya problemaları turında söyläşäçägen belderde.

Ul bu xqta Mäskäwdä jurnalistlarğa yasağan belderüendä citkerde.

Peskov äytüençä, oçraşu 29 nçı sentyabr’dä Rusiyäneñ Soçi şähärendä uzaçaq.

”İke lidernıñ härwaqıt söyläşäse temaları bik küp. Süriyä häm Äfganstan älbättä kön tärtibendä bulaçaq. Liviya häm başqa xalıqara mäs’älälär buyınça tradiśion fiker alışu bulaçaq” dide Peskov.

Dmitriy Peskov oçraşuda ike yaqlı mönäsäbätlärneñ dä qaralaçağın belderep ,”İke yaqlı mönäsäbätlär cähätennän küp urtaq yaqlar bar: iq’tisad ölkäsendä urtaq proyektlar östendä êşläw, säwdä häm iq’tisadi mönäsäbätlär” dide.