Ärdoğan AQŞtağı êşlären tögälläp Törkiyägä qayta

Belgeçlär N’yu-Yorkka säfärneñ diplomatik uñış kiterüen assızıqlıy

1709539
Ärdoğan AQŞtağı êşlären tögälläp Törkiyägä qayta

İlbaşı Räcäp Tayyip Ärdoğan AQŞtağı êşlären tögälläp Törkiyägä yul tottı. Anıñ BMOnıñ ğomum şurası öçen kitkän säfäre belän bäyle belderülären cämäğat’çelek belän êlemtä räise Fäxretdin Altun yasadı. Açıqlawlar sośial’ mediada ingliz telendä çıqtı.

Fäxretdin Altun ilbaşı Ärdoğannıñ Äfğanstan, Süriyä häm Liviyäne kertep bik küp krizis töbägenä yärdäm itü öçen N’yu-Yorktağı Törek yortında küp kenä ikeyaqlı söyläşülär ütkärüen citkerde.  

“İlbaşı Ärdoğan här mömkinlektä xalıqara xezmättäşlek häm yärdämläşüneñ ähämiyäten assızıqladı” diyelä yazmada.

Anda Ärdoğannıñ koronavirus kizüe, migraśiya häm klimat üzgärü şikelle global’ mäs’älälärdä xalıqara cämäğat’çelekkä ürnäk liderlıq kürsätüe assızıqlana.

Altun Törkiyä liderınıñ söyläşülärdä, ayıruça, Äfğanstanda totrıqlılıq täêmin itü öçen tırışuın belderde.  Anıñ äytüençä, N’yu-Yorkka säfär diplomatik uñış kiterde.

Fäxretdin Altun dön’yanı ilbaşı Ärdoğannıñ xäräkätkä quşılu möräcäğatenä qolaq salırğa çaqırdı.



Bäyläneşle xäbärlär