Guterriş Törkiyägä räxmät äytte

BMO ğomum särqatibe Antonio Guterriş N’yu-Yorkta Yaña Törek yortı binası açılışında qatnaştı. Anda Törkiyäneñ BMO daimi wäkillege häm ilneñ N’yu-Yorktağı konsullığı urın alaçaq.

Antonio Guterriş açılışta yasağan çığışında Törkiyä belän BMO arasında yaxşı xezmättäşlek urnaşuın belderde. “Min Törkiyäneñ häm törek cämäğat’çelegeneñ qaçaqlarğa qarata yumartlığı belän tanış,”-dide ul häm sıyınuğa moxtac möhacirlärgä teläktäşlege öçen Törkiyägä räxmätlären citkerde.

Guterriş suğışlar, köç qullanu, basım häm keşe xoquqların bozulardan qaçuçılarnıñ sanınıñ rekord däräcägä citüen assızıqladı.

“Törkiyäneñ xalıqara cämäğat’çelekneñ yärdäme belän qulınnan kilgänneñ barısın êşläyäçägenä ışanam. Bu barıbıznı da qızıqsındıruçı yärdämçellek,”-dide BMO ğomum särqatibe.

Guterriş Törkiyäneñ bäreleşlärgä noqta quyu öçen iñ ähämiyätle çaralardan berse bulğan Aradaşçılıq duslar törkemenä räistäşlek itüe häm daimi yärdäm kürsätüenä qanäğat’ buluın da äytep uzdı.

BMO ğomum särqatiben soñınnan ilbaşı Ärdoğan qabul itte. Oçraşuda Süriyä, Liviyä, Äfğanstan häm Kipr mäs’äläläre xaqında süz bardı.