Ärdoğan N'yu-Yorkta islamofobiya mäs'äläsen kütärde

Törkiyä liderı BMOnıñ 76nçı ğomum şurası utırışında qatnaşu öçen AQŞqa kitte

1707932
Ärdoğan N'yu-Yorkta islamofobiya mäs'äläsen kütärde
erdogan abd tasc.jpg
erdogan abd tasc1.jpg
erdogan abd musluman toplumu.jpg

Törkiyä ilbaşı Räcäp Tayyip Ärdoğan islamofobiyäneñ tınıçlıqqa yanawçı cimergeç ağımğa äwerelüen äytte. Ul BMOnıñ 76nçı ğomum şurası utırışında qatnaşu öçen AQŞqa kitte. Ärdoğan, älege säfäre qısalarında, N’yu-York şähärendä Törkiyä-Amerika milli idarä itü komitetı oyıştırğan “Tağın da ğadel dön’ya bula ala” konferenśiyäsendä çığış yasadı.

Törkiyä liderı anda keşelekneñ, koronavirus tışında, annan tağın da ülemçel häm mäkerle başqa virus belän köräşüen belderde. “Älege virusnıñ iseme - islamofobiya. Yıllardır demokratiyäneñ häm bäysezleklärneñ bişege bularaq ürnäk itep kürsätelgän däwlätlärdä bu virus zur tizlek belän cäyelä. İslamofobiya häm ksenofobiya bügen säyäsätne äsir itep aldı,”-dip söyläde ul.

Ärdoğan mentalitet yağınnan DEAŞ terrorçı oyışmasınnan berni belän ayırılmağan bu ideologik fanatizmnıñ törle ictimağıy qatlawlarda tamır cibärüen kürülären äytte. Ul bik küp däwlättä möselmannarnı ışanuı, tele, iseme yäisä kiyeme arqasında çitkä tibärelüeneñ xäzer ğadäti xälgä äwerelüen assızıqladı.

Törkiyä ilbaşı ictimağıy oyışmalar yärdämendä yäki şäxeslär tarafınnan islamofobiyägä qarşı çığuçılarnıñ buluın häm moña söyenüen dä äytep uzdı.

İlbaşı Ärdoğan AQŞtağı möselman cämäğat’çelegeneñ liderların da qabul itte. Oçraşu matbuğatqa yabıq räweştä ütte.



Bäyläneşle xäbärlär