Törkiyä belän Awrupa Berlegeneñ klimat dialogı

Törkiyä-Awrupa Berlege yuğarı däräcäle klimat dialogı urtaq belderüe

1707259
Törkiyä belän Awrupa Berlegeneñ klimat dialogı

Moxitnı saqlaw häm şähär tözeleşe ministrı Murat Kurum belän Awrupa Berlege komissiyası ölkän başlıq urınbasarı Frans Timmermans klimat temalı yuğarı däräcäle dialog qısalarında Bel’giya başqalası Bryussel'dä oçraştı.

AB komissiyası binasındağı oçraşu belän bäyle bularaq yasalğan urtaq belderüdä, ministr Kurum belän Komissiya wäkile Timmermansnıñ Törkiyädä tözelüe planlaştırılğan Êmissiya säwdä sisteması belän Awrupa Berlege êmissiya säwdä sistemasınıñ yañartıluı küz aldında totılıp urtaq mänfäğät mäydanı bularaq uglerod bäyäläw säyäsäten qarap çığuları citkerelep, klimat üzgäreşlärenä ahäñ, klimat üzgäreşläre häm biotörlelek yuğaltuı belän köräştä tabiğat’kä nigezlängän çişeleş faydalarının quzğatıluı da äytelde.

Belderüdä qaraşları citkerelgän ministr Kurum: "Törkiyä belän Awrupa Berlege arasındağı Yuğarı däräcäle klimat dialogın klimat üzgäreşläre belän köräştä xezmättäşlekne köçäytäçäk häm Törkiyäneñ Awrupa Berlegenä kerü barışın küätländeräçäk zur forsat bularaq bäyälim”, - dip äytte.

Törkiyäneñ klimat üzgäreşläre belän köräşne barı tik säyäsättän östen häm çiklärne uzğan tema bularaq tügel, ber ük waqıtta iminlek häm üseş mäs’äläse bularaq kürüenä basım yasawçı Kurum: "Bu qısada Törkiyä klimat üzgäreşläre belän köräş tırışuların täwäkkällek belän alıp bara, läkin bu êşçänlekneñ üzqimmäte dä şaqtıy yuğarı. Klimat üzgäreşläre belän köräştä Törkiyäneñ xalıqara klimat finanslaw çığanaqlarına ireşüe tırışularıbıznıñ global’ mäğ’nädä tağın da täêsirle buluın täêmin itäçäk”, - dip iskärtep uzdı.

Timmermans isä bu cäyen bigräk tä Urta diñgez tiräsendä kürengän cimerüçe waqıyğalarnıñ fänni sśenariylärneñ çınbarlığın kürsätüen belderde.

Timmermans böten xökümätlärneñ aşığıç räweştä klimat mäs’äläsendä teläkle xäräkät itüe häm anıq yöklämälärne üz östenä aluı ixtıyacına basım yasadı.

Söyläşülärneñ Törkiyä belän Awrupa Berlege arasında texnik däräcädä däwam itäçäge, ministrlarnıñ 2022nçe yıl başında wazğiyätne bäyäläyäçäge citkerelde.



Bäyläneşle xäbärlär