Törek xärbiläre 36 säğat' êçendä Äfğanstannan çığaçaq

Törkiyä ilbaşı süzçese İbrahim Kalın törek xärbiläreneñ Äfğanstannan çığu prośessınıñ bügen yäisä irtägä tögällänäçägen belderde. Ul ber telekanalda könüzäk mäs’älälärgä qağılışlı sorawlarğa cawap birde.  

Kalın 2001nçe yıldan birle Äfğanstanda xezmät itüçe Törkiyä ğaskärläreneñ töbäktän kiçä kiç êvakuaśiyälänä başlanuın häm operaśiyäneñ 36 säğat’ êçendä tögällänäçägen citkerde.

“Ğaskärlärebez çıqqannan soñ da bez anda aêroportnı êşlätüne däwam itä alabız. Monıñ belän bäyle söyläşülär bara,”-dide ul. Süzçe äytüençä, Taliban belän küzläw oyışmaları häm tışqı êşlär ministrlığı däräcäsendä dialog alıp barıla.

“Migraśiyä bulmasın öçen diplomatik söyläşülärne däwam itäbez. Yaña möhacir dulqının buldırmaw öçen regiondağı illär häm xalıqara cämäğat’çelekneñ tağın da kübräk cawaplılıq aluı kiräk. Törkiyä migraśiyä mäs’äläsendä üz öleşen artığı belän kertte. Qanunlı bulmağan qaçaqlar öçen yaña çaralar kürdek. Törkiyä berkemneñ dä migrant ambarı tügel. İran belän qanunsız migraśiyägä çik quyu öçen daimi söyläşülär alıp barıla,”-dide İbrahim Kalın.