Törkiyäneñ “Yasalma zihen strategiyäse”

Proyekt Törkiyäneñ 5 yıllıq çorda yasalma zihen êşçänleklärenä yünäleş biräçäk

1696739
Törkiyäneñ “Yasalma zihen strategiyäse”

Törkiyäneñ täwge “Yasalma zihen strategiyäse” iğ’lan itelde. Anı ilbaşı idaräseneñ Śifrlı transformaśiyä ofisı belän sänäğat’ häm texnologiyä ministrlığı äzerläde.

Proyekt Törkiyäneñ 5 yıllıq çorda yasalma zihen êşçänleklärenä yünäleş biräçäk. Strategiyä “İT üzänlege”ndä cämäğat’çelekkä tanıtıldı. Anda sänäğat’ häm texnologiyä ministrı Mostafa Varank bolay dip söyläde: “2025nçe yılda yasalma zihen mäydanındağı mäşğul’lekneñ kimendä 50 meñgä citüen maqsat itep quyabız. Şul säbäple kvalifikaśiyäle kadrlar äzerläw öçen bik ähämiyätle çaralar kürdek”.

Ministr äytüençä, yasalma zihen strategiyäsendä bilgelängän çaralar belän yärdämnär tağın da aktivlaşaçaq häm bu mäydanda yaña “yunikor”lar (qıymmätläre 1 milliard dollardan artıq şirkätlär) çığarılaçaq.

“Milli yasalma zihen strategiyäbezdä bez sınawçı, öyränüçe, tikşerüçe häm daimi räweştä üzen yañartuçı êkosistema buldırırğa maqsat itep quydıq,”-dip söyläde Ministr Varank.



Bäyläneşle xäbärlär