Törkiyädä balalarğa vakśina qadıy başlıylar
Kovid-19 vakśinasınıñ doza sanı häm anı qadatuçı yäş’ törkemnäre şikelle mäs’älälärdä yaña qararlar çığarıldı
Törkiyädä 15 yäş’tän ölkänräklär häm xronik çirläre bulğan 12 yäş’tän zurraq balalarğa koronavirus vakśinası yasatu xoquqı raslandı.
İlneñ sälamätlek saqlaw ministrlığı kizü belän köräşneñ näticäle däwam itüe öçen Kovid-19 vakśinasınıñ doza sanı häm anı qadatuçı yäş’ törkemnäre şikelle mäs’älälärdä yaña qararlar çığardı. Älege qısalarda qayber balalar häm yäşüsmerlärgä dä preparat yasatu xoquqı birelde. Mediśina xezmätkärläre häm östenlekle törkemnärgä isä dürtençe doza vakśina qadalaçaq.
Monna tış, qayber illär çittän kilüçelärgä 2 doza Biontex vakśinası yasatu şartı quya. Şuña kürä, moñarçı ike doza Sinovak häm ber doza Biontex yasatqannarğa da 4nçe doza qadatu xoquqı birelde.
PŚR testı pozitiv çıqqan keşelär êlek terelgännän soñ 3 ay ütkäç vakśina yasata ala ide, xäzer bu çor 1 ayğa ğına qaldı.
