15nçe iyül’ Millätkä möräcäğät

“Millätebezneñ härber äğ’zase moñarçı kürenmägän xıyanätne iskä töşergän sayın bäysezlegebezne häm kiläçägebezne tağın da nığraq saqlayaçaq”

1676392
15nçe iyül’ Millätkä möräcäğät

15nçe iyül’ tüntäreleş omtılışınıñ biş yıllığında millätkä möräcäğät itkän İlbaşı Ärdoğan: “15nçe iyül’ 2016 comğa könne kiçke säğätlärdä başlap ikençe könne millätebezneñ ayaqları astında çäynälep betkän şuşı tüntäreleş omtılışı tarixıbızdağı urının ğibrät ürnäge bularaq aldı. Buınnar buyınça millätebezneñ härber äğ’zase şuşı moñarçı kürenmägän xıyanätne iskä töşergän sayın bäysezlegebezne häm kiläçägebezne tağın da nığraq saqlayaçaq”, - dip äytte.

 

İlbaşı Räcäp Tayyip Ärdoğan 15nçe iyül’ Demokratiya häm milli berdämlek köne iskä alu programmaları qısalarında İlbaşı qolliyätennän millätkä möräcäğät itte.

Cämäğätçelek belän turıdan-turı urtaqlaşılğan millätkä möräcäğätendä İlbaşı Ärdoğan bolay dip äytte:

“Ğaziz millätem, sezne  çın küñelemnän sälamlim. Bügen däwlät häm millät tormışıbıznıñ häm iñ cirängeç höcümneñ häm dä iñ däräcäle qarşılıq kürsätüeneñ berseneñ biş yıllığı. Süzläremne ul tönne “Bädrneñ arıslannarı qadär şanlı” köräşläre waqıtında roza baqçasına kergän kebek tufraqqa töşkän 251 şähitebezgä Allahtan yarlıqaw teläp başlarğa telim.

Härberseneñ xikäyäse ayırım dastan bulğan şähitlärebez batırlıqları belän bu millätkä qırın kisüçelärgä xaq itkän sabaqnı birde. Päyğambärlektän soñğı iñ däräcäle mäqamgä, Rabbıbıznıñ qatında iñ zur märtäbägä ireşkän şähitlärebezgä tuğrılıq burıçıbıznı artlarınnan qaldırğan amänätlärne saqlap tüläw ğayrätendä bez.

 

“İLEBEZGÄ HÄM MİLLÄTEBEZGÄ YASALĞAN XIYANÄTNE HİÇ ONITMAYAÇAQBIZ”

İrlär häm xatınnar, yäş’lär häm olılar, uquçı yäş’lär häm uqıtuçılar, êş birüçelär häm êşçelär, däwlät xezmätkäre häm hönärçelär, qısqası, törle yäş’täge, törle hönär iyäse, här qatlamnan keşeläre belän. “Bu ädäpsez ağımğa gäwdälären qalqan itep”, uramnarda häm mäydannarda cıyılıp, kürgän här urında tüntäreleşçelärneñ yulın özep, qayçağında qualap köräşü waqıtında ğazıylıq belän däräcälängän qardäşlärebezgä dä çın küñelemnän räxmätläremne citkeräm.  

Allah Täğalägä tabınuçı millätebezneñ bäysezlek mäxäbbäte, xör yäşägän bayrağıbıznıñ matur celferdäwe, ilebezdä mäñge yañğırayaçaq azannarıbıznıñ tawışı şahitebez bulsın: ilebezgä häm millätebezgä yasalğan xıyanätne hiç onıtmayaçaqbız. Bu qabaxätlekneñ xisabın totıp häm bilgeläp alğan böten xainnardan soradıq, sorarğa däwam itäçäkbez. Tege dönyada da bu İblis yuldaşlarınıñ yaqasına yabışıp tınıç qaldırmayaçaqbız.

Ğaziz millätem, 2016nçı yılnıñ 15nçe iyül’ comğa könne kiçke säğätlärdä başlap ikençe könne millätebezneñ ayaqları astında çäynälep betkän bu tüntäreleş omtılışı tarixıbızdağı urının ğıybrät ürnäge bularaq aldı. Buınnar buyınça millätebezneñ här äğ’zase şuşı moñarçı kürenmägän xıyanätne iskä töşergän sayın bäysezlegebezne häm kiläçägebezne tağın da nığraq saqlayaçaq.

İlebez Cömhüriyät tarixı buyı, älbättä, küp sanda tüntäreleşkä, tüntäreleş omtılışına, baş kütärügä, terror höcümenä duçar buldı. Ämma ul tönne yäşängännär bezne üz däwlätenä, üz xalqına, üz keşesenä qoral kütärgän, gäyepsezlärneñ qanın qoyğan bu xainnärneñ niçek itep dönyanıñ iñ ayanıçlı can iyälärenä äylänä aluın kürsätte.

Nigezdä millätlärne millät itep qıluçı êlementlardan berse dä tarixlarındağı şuşındıy qayğı-mixnätläre belän, can belän, qan belän suğarılğan ciñülär. Ber meñ yıllıq watanıbıznıñ çäneçsez roza baqçası bulmawın, här könebezneñ diyärlek köräş belän uzuın beläbez. Dön’yanıñ här ilenen häm cämğiyäteneñ iğtibar üzägendäge geografiyanı ber meñ yıl buyı watan qılunıñ häm watan bularaq saqlap qalunıñ bäyäsen tülibez. Yaqın tiräbezdä soñğı ber-ike ğasır yäşängännärne kürgän çaqta bu bäyäneñ bärabärlegen bez berdämlegebezne, qardäşlegebezne, däwlätebezne, kiläçägebezne qotqaru bularaq alğan ber çınbarlıq.

 

“BEZNEÑ ZUR ŚİVİLİZAŚİYA HÄM TARİX MİRASIN SAQLAWIBIZNI AÑLAMIYLAR”

Bez artta qaldırğan sigez yılda törle küreneşlär astında yäşägän höcümnär watanıbıznı saqlaw köräşebezneñ däwam itäçägenä işaräli. “PKK”dan “DEAŞ”qa häm “FETÖ”ğa qadär törle bitleklär kiygän terror oyışmaları aşa başqarılğan sśenariylärneñ maqsatı ilebezne tezländerü, millätebezne äsir itü, cirlärebezne talaw. Törkiyägä qarata bez êçendä bulğan här xalıqara platformada kürsätelgän ikele standart ber ük sśenariyneñ başqa ülçäme.

Meñnärçä, distälärçä meñ çaqrım yıraqlıqtan terrorçılıq belän köräş sıltawı belän kilep, küñel geografiyabıznı qanğa häm küz yäşenä buyatuçılar, millionlağan keşeneñ kiläçägen qaranğılatuçılar Törkiyäne şuşındıy uq yazmışqa duçar itä almawnıñ açuı êçendä. Üz iminlege häm komfortları öçen ilebezne qalqan bularaq qullanuın isäpläwçelär nigezdä bezneñ zur śivilizaśiya häm tarix mirasın saqlawın añlamıylar, añlıy almıylar. Töbägebezdä tınıçlıqnı, xozurnı, totrıqlılıqnı, iminlekne urnaştıru öçen bez kürsätkän gayrätlär häm fidaqärleklär nigezdä zur häm köçle Törkiyäne tözü yulında köçäyä barğan uyanunıñ ayaq tawışları.

Gäzi waqıyları belän sośial’ yarıqlarnı buldırırğa tırışuçılar nigezdä bezneñ berdämlek privivkasın yasawın kürä almadılar. Tüntäreleş omtılışları belän millät iradäsen beterü yulı belän däwlätebezne tartıp alırğa teläwçelär meñnärçä yıllıq yolanıñ soñğı bäyläneşen tağın da nığıtqannarın abaylap ala almadılar. Terror oyışmaların qullanıp cirlärebezgä yanawçılar bu yasağannarı belän nigezdä qardäşlegebezne nığıtuların añlıy almadılar.

 

“ZUR HÄM KÖÇLE TÖRKİYÄNEÑ TÖZELÜENÄ KİRTÄ BULA ALMAYAÇAQLAR”

Könçığıştan könbatışqa, tön’yaqtan kön’yaqqa här yünäleştä ilebezne tirän tarixi häm mädäni mönäsäbätlärgä iyä bulğan geografiyälärdän qubarıp alırğa totınuçılar tağın da nıq küñel bağlanışların urnaştıruıbızğa säbäp buluların abaylıy almadılar. Bezneñ barı tik häm barı tik böten keşelek isemennän telgä alğan xaq-xoquq häm ğadälät-ğadellek taläplären üzlärendäge kebek säyäsi ikeyözlelek bularaq kürüçelär cäberlängännärneñ tawışı, ömete xälenä kilüebezneñ seren añlıy almadılar. Näq’ 15nçe iyül’ tönendä millätebezneñ niçek itep dönyanıñ iñ modern xärbi maşinalarnı yalanğaç qulları belän tuqtatuların añlıy almağannarı kebek ilebezneñ başqa mäs’älälärdäge totışınıñ säbäben dä çişä almadılar.

Xälbüki, bez barı tik üzebez öçen närsä teläsäk, böten geografiyabız öçen, böten duslarıbız öçen, böten keşelek öçen dä ber ük närsäne telibez. Monı başqa niyätlärebezne yäşerü öçen tügel, êçkersez räweştä başqarğanıbız öçen dä bez kitkän här cirdä bezne yaxşı qabul itälär, qaderlilär. Kiçä Süriyädä monı yasadıq, Liviyada monı başqardıq, Qarabaxta monı yasadıq. İrtägä dä Äfğanstanda häm başqa urınnarda şundıy uq ixlaslı häm ğadel poziśiya belän qardäşlärebezneñ yanında bulaçaqbız.

15nçe iyül’ barı tik ilebezdä üz bäysezlegebezne häm kiläçägebezne saqlawnıñ ğına tügel, ber ük waqıtta näq’ menä şuşı zur vizionnıñ, küzallawnıñ simvolı da. Älbättä, här mäs’älä kebek bu çınbarlıq ta kürergä teläwçe küzlär, işetergä teläwçe qolaqlar, söyläşergä teläwçe tellär, añlarğa telägän zihennär, söyeneç belän tibergä teläwçe yöräklär, ömet belän tulırğa teläwçe küñellär öçen yaraşlı.

Allaga şöker, millätebez bezne añlıy, bezgä yünäleş kürsätä, bezneñ belän bergä bara. Näq’ menä şunıñ öçen ilebezne äsir alırğa tırışqan basıp aluçılarğa ber ğasır êlek bulğanı kebek “Törkiyä ütelmäs” dip äytäbez. Näq’ menä şunıñ öçen millätebezgä qarşı yawız niyätläre buluçılarğa “başqara almayaçaqsız”, - dip äytäbez. Kiçä yasıy almadılar, bügen başqara almadılar, irtägä dä inşallah uñışsızlıqqa ireşerlär, zur häm köçle Törkiyäneñ tözelüenä kirtä bula almayaçaqlar.

 

“BEZNEÑ YULDAŞIBIZ MİLLÄTEBEZDER”

Kem kem belän yöresä yöresen, bezneñ yuldaşıbız millätebezder. Bezneñ yuldaşıbız Malazgirttän İstanbulnıñ ciñep alınuına, Çanakkalädän Azatlıq suğışına, Kipr xäräkätennän 15nçe iyül’gä qadärge böten şähitlärebez. Bezneñ yuldaşıbız härberse dönyağa bäyä köräş ğayräte belän tulı ğazilärebez. Bezneñ yuldaşıbız aqsaqallı babaylarıbıznıñ, aq yawlıqlı äbilärebezneñ küzyäş’läre êçendä qılğan doğaları. Bezneñ yuldaşıbız dönyanıñ dürt ber yağında yörägen häm küzlären bezgä yünältkän cäberlängännärneñ ömetläre. Bezneñ yuldaşıbız üzläre häm illäre öçen yöräkläre dulqınlanu belän tulı, proyekt belän tulı, yünäleşlären 2053kä borğan yäş’lärebez, balalarıbız. Qalğanı buş süz.

Arximed: “Miña êtärgeç biregez, min dönyanı küçerermen”, - dip äytä. Bez dä şunı äytäbez: bu böyek millät belän dönyanı da küçererbez, cihanğa da xökem itärbez, ğalämgä dä tawışıbıznı  işettererbez. Allah bezgä yärdäm itsen.

Rabbım bezne qabat 15nçe iyül’ kebek xıyanätlär belän sınap qaramasın. Rabbım ilebezne häm millätebezne saqlasın. Rabbım här êşebezne ciñel qılsın, här ğayrätebezne maqsatına ireştersen.

Bu töşençälär belän süzläremne tögälläp, sişämbe könne qotlanaçaq Qorban bäyrämegezne xäzerdän ük täbrik itäm. Rabbımnan bu möbäräk könnär xörmätenä millätebezne, möselmannarnı häm böten keşelek dönyasın fälahqa qawışuın telim. Barığızğa da söyüläremne häm xörmätläremne citkeräm. İsän-saw bulığız.”



Bäyläneşle xäbärlär