Тaтaрстaн Илбaшы Рөстәм Миңнexaнoв Төркиядә / Tatarstan İlbaşı Röstäm Miñnexanov Törkiyädä

Тaтaрстaн Дәүләт бaшлыгы Рөстәм Миңнexaнoвның Төркиягә эшлeклe сәфәрe дәвaм итә / Tatarstan Däwlät başlığı Röstäm Miñnexanovnıñ Törkiyägä êşlekle säfäre däwam itä

1664032
Тaтaрстaн Илбaшы Рөстәм Миңнexaнoв Төркиядә / Tatarstan İlbaşı Röstäm Miñnexanov Törkiyädä
tataristan_cumhurbaşkanı_ankara.jpg

Miñnexanov Törkiyä sänäğät häm säwdä ministrı Mostafa Varank belän oçraştı. Alar “Gebkim” maxsus sänäğät töbägendä buldı. Miñnexanov: “Tatarstanda maxsus iq’tisadi zonalar yasağanda, bez Törkiyä täcribäsenä dä tayandıq”, - dip äytte.

Tatarstan Däwlät başlığı Miñnexanov Törkiyä säfäreneñ berençe könendä İstanbul şähär xakimiyäte başlığı Äkräm İmamoğlu häm İstanbul vilayäte başlığı (gubernatorı) Ali Yerlikaya belän dä küreşep söyläşte.

İstanbul gubernatorı süzlärençä, İstanbul – Törkiyä Cömhüriyäteneñ iq’tisadi üseş üzäge häm töp sänäğät şähäre. Monda ilneñ töp bankları, Tatarstan biznesı belän xezmättäşlek itä torğan êre kompaniyalar urnaşqan.

“Tatarstan inde bulğan bağlanışlarnı nığıtuğa ğına tügel, başqa ölkälärdä xezmättäşlekne üsterügä dä ömetlänä”, - dip östäde Röstäm Miñnexanov.

İstanbul mêrı (şähär xakimiyäte başlığı) belän oçraşu waqıtında “Bügen Tatarstan belän Törkiyä arasında xezmättäşlek turında kileşü ğamäldä, Qazanda sezneñ ilneñ General’ konsullığı uñışlı êşli, ä İstanbulda – bezneñ respublika wäkillege”, - dip iskärtte Röstäm Miñnexanov.

“İke yaq arasında bügenge köndä muniśipal’ däräcädä qardäşlek turında 18 kileşü tözelgän. Qazan häm İstanbulnı daimi aviaêlemtä bäyli, ul 22nçe iyün’dä torğızılğan”, - diyelä Tatarstan prezidentı matbuğat küzätüe belderüendä.

Törkiyägä êş säfäre qısalarında Tatarstan İlbaşı Röstäm Miñnexanov “Mäğ’lümati texnologiyalär üzäne” texnologik üseş töbägendä buldı. Anda Tatarstan Däwlät başlığına Törkiyäneñ berençe êlektromobilen kürsättelär.

Tatarstan ilbaşı êşlekle säfär qısalarında Törkiyädä yäşäwçe tatarlar belän dä oçraştı häm İstanbulda tramvay yulı tözeleşe arqasında yabılıp torğan Tuqay parkı açılışında da qatnaştı.

Tatarstan İlbaşınıñ bügenge programmasında Törkiyä Böyek Millät Mäclese başlığı Mostafa Şäntop häm İlbaşı Räcäp Tayyip Ärdoğan belän oçraşu küzdä totıla.

Fotosürät  tatarstan.ru säxifäsennän alındı



Bäyläneşle xäbärlär