Franśiyä Törkiyäne "qızıl isemlek"tän çığardı

Franśiyä koronavirus kizüeneñ taraluına yul quymaw maqsatınnan säyäxät çikläwläre kertkän “qızıl illär” isemlegennän Törkiyäne çığardı. Bu xaqta Törkiyäneñ Parij ilçese Ali Onaner Twitter akkauntında yazdı. Ul ilneñ Franśiyäneñ çikläwlär isemlegendä “qızıl”dan “kişer sarısı”na  küçüen citkerde. “Barlıq säyäxätçelärgä sälamät häm matur yallar telim,”-dip yazdı Onaner.

Şulay itep, Törkiyädän Franśiyägä kitüçelär öçen 10 könlek mäcbüri karantin beterelde.

Franśiyä kizüneñ wäzğıyäte nisbätennän däwlätlärne yäşel, kişer sarısı häm qızıl töstäge 3 isemlekkä bülä. Yäşel isemlektäge illärdä virusnıñ aktiv räweştä taralmawı häm Kovid-19 variantlarınıñ borçu tudırmawı, kişer sarısındağısında – çirneñ kontrol’dä totıluı, ä qızılda – virusnıñ häm törle variantlarınıñ aktiv räweştä taraluı belderelä.