Törkiyä belän Rusiyä arasında oçışlar başlanaçaqmı?

Bu mäs'äläne qaraw öçen Rısiyädän ber törkem belgeçlär kilä

1659218
Törkiyä belän Rusiyä arasında oçışlar başlanaçaqmı?

Törkiyä belän ike aradağı oçışlar mäs’äläsen qaraw öçen Rusiyädän delegaśiyä kilä. Bu xaqta ilneñ keşe sälamätlege häm qullanuçı xoquqların saqlaw xezmäte Rospotrebnadzor belderde.

“Rusiyä häm Törkiyä arasında monnan alda tözelgän kileşü qısalarında rus delegaśiyäse koronavirus belän bäyle xälne bäyäläw maqsatınnan atna urtasında Törkiyägä kitäçäk” diyelä anda. Säfär näticäsendä oçışlarnıñ qabat başlatıluı häm turizm xezmätläreneñ täêmin itelüenä bäyle qararlar çığarılaçaq.

Rusiyä delegaśiyäse Rospotrebnadzor häm aña bäyle fänni institutlar, Rusiyä federal’ turizm agentlığı häm saqlanu ministrlığı qul astındağı qayber oyışmalarnıñ belgeçlärennän toraçaq.

Rusiyä Törkiyä belän ike aradağı ğadäti häm çarter oçışların 15nçe aprel’dän 1nçe iyün’gä qadär çikläw qararı çığarğan ide. Soñınnan anı 21nçe iyün’gä qadär ozayttı.



Bäyläneşle xäbärlär