Ärdoğan: “Törkiyä totrıqlılıq urnaştırudağı kereşülärne äydäp bara”

İlbaşı Ärdoğan: "Barı tik üz milli mänfäğätlärebez öçen genä tügel, transatlantik geografiyasınıñ qurqınıçsızlığınıñ häm totrıqlılığınıñ urnaştırıluı öçen dä möhim cawaplılıqnı üz östebezgä aluıbıznı beläbez, adımnarıbıznı şuşı añ-fiker belän yasıybız”

1657951
Ärdoğan: “Törkiyä totrıqlılıq urnaştırudağı kereşülärne äydäp bara”

İlbaşı Räcäp Tayyip Ärdoğan: "Barı tik üz milli mänfäğätlärebez öçen genä tügel, transatlantik geografiyasınıñ qurqınıçsızlığınıñ häm totrıqlılığınıñ urnaştırıluı öçen dä möhim cawaplılıqnı üz östebezgä aluıbıznı beläbez, adımnarıbıznı şuşı añ-fiker belän yasıybız”, - dip äytte.

İlbaşı Ärdoğan NATO däwlät häm xökümät başlıqları sammitı qısalarında oyıştırılğan Bryussel’ Forumınıñ "Totrıqlılıqqa öleş” isemle utırışında video yullama ısulı belän çığış yasadı.

Ärdoğan Törkiyäneñ Ğıyraqtan Äfğänstanğa, Qavqazdan Balkanğa, Qara diñgezdän Urta diñgezgä, Afrikağa qadär totrıqlılıqnıñ urnaştırıluına qağılışlı böten kereşülärne äydäp baruın, öleş kertüen belderde.

İlbaşı Ärdoğan Törkiyäneñ kürşeläre belän mönäsäbätlärendä xalıqara xoquqqa, ğadälätkä häm ğadellekkä, ike yaqlı xaq-xoquqqa häm mänfäğätlärgä xörmät kürsätüen iskärtep uzıp: "Kürşebez häm berlektäşebez Greśiya belän dialognıñ canlandırıluınıñ ike yaqlı mäs’älälärneñ çişeleşe belän bergä töbägebezneñ totrıqlılığına häm mullığına da xezmät itüenä ışanam”, - dip äytte.

Ärdoğan bügen totrıqlılıq urnaştırudağı iñ zur kirtälärneñ berseneñ terrorçılıq buluına basım yasap: "Törkiyä NATO belän bergä bäyläneşle böten xalıqara platformalarda terrorçılıq belän köräştä alğı safta tora. “PKK/PYD”dän “DEAŞ” häm “FETÖ”ğa qadär şaqtıy terror oyışması belän çiklärebezneñ êçendä häm tışında köräş alıp barabız”, - dip citkerde.

Törkiyäneñ “DEAŞ” belän turıdan-turı bäreleşkän häm monıñ öçen yäş’ ulların şähit birgän berdänber NATO berlektäşe buluına iğ’tibarnı yünältüçe Ärdoğan bolay dip däwam itte:

"Çikneñ ar’yağındağı operaśiyälärebezdä 4 meñgä yaqın “DEAŞ” terrorçısın täêsirsez xälgä kiterdek. Terrorçılıqnıñ barlıq törlärenä qarşı bez alıp barğan köräştä, qızğanıç, berlektäşlärebezdän häm urtaqlarıbızdan bez kötkän yaqlawnı häm teläktäşlekne kürä almadıq.

Süriyädä, Ğıyraqta häm Törkiyädä qulları gäyepsezlärneñ qanına batqan terror oyışması atamannarınıñ legal’ aktyor kebek iñ yuğarı däräcädä möräcäğät itelüenä, yaqlaw kürüenä şahit buldıq.

Şul närsä onıtılmasın: Törkiyäneñ çikläre ber ük waqıtta NATOnıñ çikläre. Bu cähättän barı tik üz milli mänfäğätlärebez öçen genä tügel, transatlantik geografiyasınıñ qurqınıçsızlığınıñ häm totrıqlılığınıñ urnaştırıluı öçen dä möhim cawaplılıqnı üz östebezgä aluıbıznı beläbez, adımnarıbıznı şuşı añ-fiker belän yasıybız."

Törkiyäneñ NATO xäräkätlärendä häm missiyalarında iñ küp qatnaşqan berençe 5, urtaq byudjetqa iñ küp öleş kertkän berençe 8 berlektäş arasında buluın iskärtep uzuçı Ärdoğan bolay dip äytte:

"Bik yuğarı äzerlek däräcäle urtaq wazıyfa köçeneñ citäkçelege dä bıyıl Törkiyädä. İttifaqnıñ iñ zur ikençe armiyasına iyä Törkiyä NATOnıñ könüzäk yanawlarına häm imtixannarına qarata adaptaśiyası öçen aktiv rol’ uynıy.

Äzerlekle bula alu cähätennän berlektäşlär bularaq bez yasayaçaq adımnar qadär urtaqlarıbıznıñ köç säläten üsterügä kertäçäk öleşlär dä möhim.

Törkiyä dinamik iq’tisadı, köçle saqlanu sänäğäte, nigezle tışqı säyäsäte häm berlektäşläre belän xezmättäşlek êçendä, global’ tınıçlıq, mullıq häm totrıqlılıq urnaştıruda yärdäm itüen däwam itäçäk."



Bäyläneşle xäbärlär