Törkiyä ilbaşı Bryussel'da
Ärdoğan düşämbe könne NATO Oçraşuında qatnaşaçaq
1656959
Törkiyä ilbaşı Räcäp Tayyip Ärdoğan irtägä oyıştırılaçaq NATO Oçraşuında qatnaşır öçen Bel’giya başqalası Bryussel’ğa kitte.
NATOğa äğza bulğan illärneñ liderları belän ike yaqlı söyläşülär ütkäräçäk Ärdoğan Amerika Quşma Ştatları ilbaşı Djo Bayden, Litva däwlät başlığı Gitanas Nauseda, Latviya ilbaşı Êgils Leviŝ, Germaniya Kanŝlerı Angela Merkel’, Böyekbritaniya prem’yerı Boris Djonson, Greŝiya xökümäte räise Kiryakos Miçotakis belän üzara küreşep söyläşäçäk.
Törkiyä ilbaşınıñ Franŝiya däwlät başlığı Êmmanuêl’ Makron häm Niderland prem’yer-ministrı Mark Rutte belän dä söyläşüe planlana.
Söyläşülärdä NATOdağı ittifaq belän ber rättän ike yaqlı mönäsäbätlär häm regional’ mäs’älälärneñ quzğatıluı kötelä.
