Ärdoğan: “Törkiyäneñ Qırğızstanğa yärdäme däwam itäçäk”

İlbaşı Räcäp Tayyip Ärdoğan Törkiyäneñ Qırğızstanğa härtörle yärdämeneñ däwam itäçägen äytte

1655184
Ärdoğan: “Törkiyäneñ Qırğızstanğa yärdäme däwam itäçäk”

Ärdoğan Törkiyägä säfär yasağan Qırğızstan Cömhüriyäte Däwlät başlığı Sadır Caparov belän başqala Änkarada urtaq matbuğat oçraşuın oyıştırdı.

İlbaşı Ärdoğan: "Xörmätle Däwlät başlığına Törkiyäneñ qırğız xalqına häm däwlätenä bulğan yaqlawıbıznı tağın ber qat citkerdek. 11nçe aprel’dä ütkärelgän töp qanun referendumı üzgäreş noqtası buldı. Bu referendum belän qırğız xalqı İlbaşı xökümät sistemasın sayladı. Yaña sistemanıñ xäyerle buluın telim. Yaña mömkinleklär belän Qırğızstannıñ alğa baraçağına ışanam. Törkiyä täcribäläre belän urtaqlaşuın, Qırğızstanğa härtörle yärdämen däwam itteräçäk”, - dip äytte.

Törkiyä häm Qırğızstan arasındağı säwdä mönäsäbätlären dä tafsille räweştä qarap çığuların belderüçe Ärdoğan: "507 million dollar külämendäge säwdäbezdä yaña tör koronavirus (Kovid-19) kizüenä qaramastan möhim töşü yäşänmäde. Potenśialıbıznıñ küpkä yuğarıraq buluı bilgele. 1 milliard dollarlıq säwdä maqsatıbızğa ireşü öçen ğayrätlärebezne arttıraçaqbız”, - dip äytte.

Qırğızstan İlbaşı Caparov ta ileneñ Törkiyäneñ xalıqara mäydanda ähämiyäteneñ artuınnan qanäğät buluın belderde.



Bäyläneşle xäbärlär