Әрдoгaн Кыргызстaн Илбaшын кaршы aлды / Ärdoğan Qırğızstan İlbaşın qarşı aldı

İlbaşı Räcäp Tayyip Ärdoğan Törkiyägä säfär belän kilgän Qırğızstan Däwlät başlığı Sadır Caparovnı başqala Änkarada räsmi tantana belän qarşı aldı.

Caparov utırğan räsmi maşinanı İlbaşı qolliyäte aldındağı uramda qarşı alğan atlı ğaskärilär kerü qapqasına xätle ozatıp bardı.

Köçle yañğırda uzğan tantanada İlbaşı Ärdoğan Caparovnı kerü qapqasında qarşı aldı.

Ärdoğan häm Caparovnıñ tantana mäydanındağı urınnarın alğannan soñ ike il gimnarı yañğıradı, 21 tup atıldı.

Caparov gvardiya polkınıñ tantanalı ğaskären "Märhaba ğaskär" dip sälamläde.

Tarixta tözelgän 16 törek däwläten wäkillek itüçe bayraqlar häm ğaskärilär dä tantanada üz urınnarın aldı.

Annan soñ ber-bersenä wäkilleklären (delegaśiyälären) täq’dim itüçe Ärdoğan häm Caparov basqıçlarda Törkiyä häm Qırğızstan bayraqları aldında jurnalistlar öçen räsemgä töşte.

Tantanada İlbaşı urınbasarı Fuat Oktay, Tışqı êşlär ministrı Mäwlüt Çavuşoğlu, Kazna häm finans ministrı Lütfi Älvan, Mädäniyät häm turizm ministrı Mäxmät Nuri Ärsoy häm Säwdä ministrı Mäxmät Muş belän İlbaşı idaräseneñ êlemtä başlığı Fahrättin Altun häm İlbaşı idaräse süzçese İbrahim Qalın da qatnaştı.

Caparov belän bergä kilgän yuğarı däräcäle wäkillektä isä Qırğızstan ministrı häm xärbi zatlar bar.

Tantanadan soñ Ärdoğan häm Caparov qara-qarşı küreşep söyläşte.