Törkiyä, Rusiyä häm BMO räsmiläre Mäskäwdä Liviyanı söyläşte

Rusiyä tışqı êşlär ministrlığınnan yasalğan yazma belderüdä Rusiyä İlbaşı Vladimir Putinnıñ Yaqın Könçığış häm Afrika maxsus wäkile häm tışqı êşlär ministrı urınbasarı Mixail Bogdanovnıñ Törkiyä tışqı êşlär ministrı urınbasarı Sedat Önal häm BMO Liviya maxsus wäkile Jan Kubis belän 7nçe iyün’dä Mäskäwdä oçraşuı äytelde.

Liviya mäs’äläse tikşerelgän söyläşüdä ildä 24nçe dekabr’dä uzdırılaçaq saylawğa yaqlaw kürsätelüe maqsatınnan çığıp BMO ximayäsendä xalıqara kereşülärneñ nığıtıluı zarurlığına basım yasaldı.

Liviyada waqıtlı xökümät organnarına yaqlaw kürsätelüe belderelgän söyläşüdä Germaniya başqalası Berlinda 23nçe iyün’dä ministrlar däräcäsendä ütkärelüe planlaştırılğan cıyılış aldınnan Liviyada barlıqqa kilgän wazğiyätkä qarata urtaq totış raslandı.

Törkiyä tışqı êşlär ministrı da “Twitter”dan mäs’älä belän bäyle bularaq yasağan belderüendä Önal, Bogdanov häm Kubisnıñ Liviya mäs’äläsendä säyäsi konsultaśiyälär ütkärüe iskärtelep uzıldı.