Törek hawa yulları häm İstanbul aêroportı - lider
Awrupa hawa navigaśiyäse qurqınıçsızlığı agentlığı oçış xäräkäte xisabın täq'dim itte
1649811
İstanbul aêroportı häm Törek hawa yulları köndälek oçış sannarı belän Awrupada lider bulıp qala birä.
Awrupa hawa navigaśiyäse qurqınıçsızlığı agentlığı äzerlägän oçış xäräkäte xisabına qarağanda, 16nçı maydan 30ına qadär tormışqa aşırılğan säfär sannarı buyınça İstanbul aêroportı köndälek urtaça 632 oçış belän Awrupada berençe urında. Anıñ belän ber ük rättä şulay uq 632 säfärgä xezmät kürsätkän Frankfurt aêroportı bar.
Aviaśiya şirkätlärenä kilgändä, 24nçe maydan 30ına qadär 823 oçış yasağan Törek hawa yulları Awrupada lider. Annan soñ 458 säfär belän Ryanair kilä. İsemlektä 3nçe urında 439 oçış yasağan Lufthansa tora.
